Փրկարարները փլատակներից դուրս բերեցին երկրորդ տուժածին, տարեց կին է (տեսանյութ)

Քիչ առաջ փրկարարները դուրս բերեցին փլատակներում գտնվող երկրորդ քաղաքացուն։ Ինչպես դեպքի վայրից հայտնում է «Փաստինֆո»-ի թղթակիցը՝ դուրս բերված քաղաքացին տարեց կին է, որը հարևան տան տատիկն է։ Այժմ փորձում են հասկանալ՝ այս պահին փլատակներում գտնվող այլ անձինք կան արդյոք, թե ոչ։

Նշենք, որ ավելի վաղ փրկարարները փլատակներից դուրս են բերել երիտասարդ տղամարդու։
Հիշեցնենք, որ այսօր՝ ժամը 11:36-ին, Ճգնաժամային կառավարման ազգային կենտրոն ահազանգ է ստացվել, որ Երևանի Նոր Արեշ 34-րդ փողոցում տեղի է ունեցել պայթյուն, որի հետևանքով՝ 2-3 տուն է փլուզվել։