Պայմանագրային զինծառայողը «Նիսսան»-ով հայտնվել է գետում․ նրա դին գտել են մեքենայից դուրս

Ապրիլի 14-ին՝ ժամը 22։20-ի սահմաններում, Սյունիքի մարզի բնակիչ Յուրա Ա․-ն իր վարած «Նիսան» մակնիշի ավտոմեքենայով Կապան քաղաքի Սպանդարյան փողոցում՝ «Պրինց» ռեստորանահյուրանոցային համալիրի մոտ, դեռևս անհայտ հանգամանքներում դուրս է եկել երթևեկելի գոտուց, բախվել կամրջի երկաթբետոնե հատվածին և հայտնվել Ողջի գետում։

Ինչպես հայտնում է shamshyan.com-ը, փրկարարները, պարեկներն ու քաղաքացիները որոնողական աշխատանքների արդյունքում ավտոմեքենայից մոտ 500 մետր հեռավորության վրա հայտնաբերել են վարորդի դին։

Վթարի փաստով քննչական վարչությունում նախաձեռնվել է քրեական վարույթ։

Աղբյուրի տեղեկություններով՝ վարորդն աշխատում էր ՀՀ ՊՆ N զորամասում. նա պայմանագրային զինծառայող էր։