ՀՀ ԱԺ ընդդիմադիր պատգամավորներն այս պահին գտնվում են Տավուշի դիրքերում։ «Փաստինֆո»-ի հարցին ի պատասխան՝ ՀՀ ԱԺ «Հայաստան» խմբակցության պատգամավոր Գառնիկ Դանիելյանը նշեց, որ իրենք եւս լսել են, որ Փաշինյանը մեկնում է Ոսկեպար։
«Մենք այս պահին ՀՀ Աժ «Հայաստան» և «Պատիվ ունեմ » խմբակցությունների պատգամավորներ Տիգրան Աբրահամյանի, Գեղամ Մանուկյանի ու մյուս պատգամավորների հետ Տավուշում ենք, բայց դիրքապահների մոտ ենք բարձրացել, այստեղ ասացին, որ վարչապետը մեկնել է, թե կոնկրետ որ համայնքում է լինելու դեռ չգիտենք»,- ասաց Դանիելյանը։
«Փաստինֆո»-ի հարցին,թե սովորաբար բնակիչները նկատում են, որ ոստիկանական խմբեր են լինում ճանապարհին՝ պատգամավորը նշեց, որ իրեն հասած լուրի համաձայն, Փաշինյանը ուղղաթիռով է գնալու։
«Վարչապետի շարժի մասին լրատվություն չի լինում, գիտեք, հատկապես ոչ ՔՊ շրջանակի համար, գաղտնի են պահվում, պարզ է չէ՞,թե ինչու»,- նկատեց պատգամավորը։