Իրանի հետ 2 շաբաթով սահմանի փակումը Հայաստանի արտաքին առեւտրաշրջանառությանը ոչնչով չի սպառնոմ, խոսքը միայն տուրիզմի ծավալների կրճատման մասին է։ Այս մասին ArmDaily.am–ի հետ զրույցում ասաց տնտեսագետ Կարեն Ադոնցն՝ անդրադառնալով սահմանի փակման տնտեսական հետևանքին։
«Այս շրջանում Իրանից զբոսաշրջիկների զգալի աճ էր նկատվում, իրանցիները Հայաստան էին գալիս Նովրուզը նշելու։ Զբոսաշրջիկների մուտքի նվազման հետեւանքով որոշ ծառայությունները կնվազեն, սակայն այս տարվա ՀՆԱ-ի 7.6 տոկոս աճի մեջ այս ոլորտը էական կշիռ չունի։ ՀՆԱ-ի 7.6 տոկոս աճը 1 մլրդ դոլար է, որը մենք գեներացրել ենք հիմնականում 3 աղբյուրներից, առաջինը մեքենաների առեւտուրն է, որն ապահովել է 300 մլն մաքուր ՀՆԱ-ի աճ, սրա մուլտիպլիկատիվ շրջանառությունը գեներացրել է եւս 300 մլն դոլար, այսինքն, մեքենաների արտաքին առեւտուրն ապահովվել է ՀՆԱ-ի 600 մլն դոլարը, խտանյութի ծավալների աճը կազմել է 21 տոկոս, սա էլ 100 մլն դոլար, որի մուլտիպլիկատիվ էֆեկտն էլ եւս 100 մլն դոլար է։
Երրորդ ոլորտը հիփոքեթային եւ սպառողական վարկերի 40 տոկոս շրջանառության աճն է։ Սա իր հերթին բերել է շինարարության աճի։ Սրա մուլտիպլիկատիվ էֆեկտը կազմել է ես 100 մլն դոլար։ Ադոնցի դիտարկմամբ՝ եթե զբոսաշրջության ծավալների կրճատումը էական ազդեցություն չի ունենա՝ ապա ավտոմեքենաների առեւտրի սահմանափակումները մտահոգիչ է։ «Վերջին տվյալներով Հայաստանից 22 հազար մեքենա է գնացել Ղազախստան, իսկ դեպի Ռուսաստան 77 հազար մեքենա, որից բյուջետային մոտքերը կազմել են մոտ 120 մլն դոլար, մաքսային եկամուտները ներմուծողների՝ 180 մլն դոլարը։ Մենք այս տարվա համար կարող ենք պահել վարկերի ներարկումը տնտեսության մեջ, պղնձի արդյունահանման աճ նույնպես կարող ենք ապահովել, բայց մեքենաների ապահոված 600 մլն դոլարի աճը չենք կարողանա վերականգնել»,-ասաց Ադոնցն՝ ընդգծելով, որ այս տարի տնտեսական աճի հետ կապված խնդիրներ կունենանք եւ ամենայն հավանականությամբ աճը կլինի 5 տոկոսի շրջանակներում։