Միջազգային կառույցներում՝ մասնավորապես Եվրոպական խորհրդարանում, Հայաստանի և Արցախի շահերը պատշաճ ձևով ներկայացված չեն։ Հայաստանի, Արցախի և տարածաշրջանի հեռ առնչություն ունեցող մի շարք բարձրաստիճան պաշտոնյաների հետ հանդիպումների ընթացքում պարզ դարձավ, որ ՀՀ խորհրդարանական դիվանագիտությունը, ինչպես նաև ԱԳՆ պատշաճ կերպով չեն պաշտպանում Հայաստանի և Արցախի շահերը։ Այդ մասին մամուլի ասուլիսի ժամանակ հայտարարեց ՀՅԴ Հայաստանի ԳՄ ներկայացուցիչ Իշխան Սաղաթելյանը։
«ՀՀ իշխանությունների այն պնդումը, թե կա Արցախի կարգավիճակի հարցում նշաձողը իջեցնելու միջազգային պահանջ, ակնհայտ էր, որ նման պահանջ գոյություն չունի։ Այն բոլոր հանդիպումները, որ ունեցել եմ ՀՀ հարցում կարծիք հայտնող պատասխանատուների հետ, ընդհանրապես նման պահանջ չեմ զգացել։ Այլ հարց է , որ գոյություն ունի խաղաղության հասնելու պահանջ, բայց երբ որ այդ հանդիպումների ընթացքում հիմնավոր կերպով բացատրում էինք, որ մենք դեմ չենք խաղաղության , բայց այդ խաղաղությունը չի կարող լինել մեր հայրենազրկման գնով և նաև, որ պարտադրված խաղաղությունը չի կարող տարածաշրջանում կայունություն բերել, հասկանում էին մեզ»,ընդգծեց Սաղաթելյանը։
Երկրորդ արձանագրումը, որն ըստ Սաղաթելյանի, արվել է հանդիպումների հիման վրա, այն է, որ ՀՀ ընդդիմությունն իրականում պայքարում է մի քանի ճակատներով։ Նրա արձանագրմամբ՝ այն թեզերը, որոնք ՀՀ իշխանություններն առաջ են տանում ընդդիմության վերաբերյալ, չեն տարբերվում թուրք-ադրբեջանական տանդեմի՝ միջազգային ատյաններում առաջ տարվող թեզերից։
«Թուրք-ադրբեջանական պատվիրակություններն աշխարհի տարբեր մայրաքաղաքներում Հայաստանի ընդդիմությանը փորձում են ներկայացնել որպես ռևանշիստական ուժեր, տարածշրջանն ապակայունացնող, պատերազմ հրարհող ուժեր, և իրենց թեզերն աջացթյուն են գտնում ՀՀ որոշ շրաջանակներում։ Եվ այդտեղ եմզ համար ակնհայտ դարձավ, որ թուրք-ադրբեջանակա պատվիակություններն ինչ թեզեով ՀՀ ընդդիմությանը բնորոշում են միջազգային հանրության մոտ՝ նույն թեզերն են , որոնցով այսօր ՀՀ իշխանությունները բնությագրում են ընդդիմությանն ու նրա գործունեությունը»,-նշեց Իշխան Սաղաթելյանը։
Սաղաթելյանը նաև մեկ այլ ցավոտ վիճակից խոսեց, որն արձանագրել է Եվրոպական խորհրդարանում ունեցած հանդիպումերի ընթացքում․ բռնապետական Ադրբեջանը, էներգետիկ բերկա ճգնաժամի պայմաններում, մեծ հետաքրքրություն է սկսել ներկայացնել եվրոպական երկրների համար։
«Աշխարհի վերադասավորումների այս բարդ փուլում փուլում, որը հղի է Հայաստանի համար նոր սպառնալիքներով, Հայաստանի իշխանությունները վարում են ոչ համարժեք, պարտվողական քաղաքականություն։ Բռնապետական Ադրբեջանն ասյօր ավելի հետարքրիր է եվրոպացիներին, քան ժողովրդավարական բաստիոն հռչակված Հայաստանը»,-ասաց Սաղաթելյանը՝ հավելլեով նաև, որ միջազգային կառույցների հայստանյան գրասենյակները միակողմանի են զեկուցում Հայաստանում տիրող վիճակը, ինչի հետևանքով կենտրոնները լիարժեքորեն չեն տիրապետում այստեղ տիրող վիճակին։