Նոյեմբերի 17-ին Փասադենայի «Criterion» սրճարանում տեղի ունեցավ ամերիկաբնակ նումերոլոգ Նաիրա Ղազարյանի «Let’s Start Again» նոթատետրի շնորհանդեսը:
Նոթատետրի անվանումը պատահական չէր, քանի որ կյանքում բոլորս էլ հիասթափվում ենք, կոտրվում և ընկճախտի մեջ հայտնվում, սակայն միշտ ելք կա, այն է` սկսել նորից: Միջոցառումը փակ քննարկման ձևաչափով էր, որտեղ հյուրերը Նաիրայի օգնությամբ ստուգեցին իրենց իսկ թվերը, դրանցում առկա դրական ու բացասական կողմերը, ինչպես նաև բացահայտեցին իրենց նումերալոգիան ֆինանսական էներգետիկայի շրջանակներում: Եվ ահա վերջում, Նաիրան իր խոսքում նշեց, որ նումերալոգիան հստակ գիտություն է, որը կապ չունի գուշակությունների և պայծառատեսության հետ, և ընդգծեց, որ այդ թյուրըմբռնումը միշտ էլ եղել է, սակայն պետք է միշտ այսպիսի քննարկումներ լինեն, որպեսզի մարդիկ էլ ավելի լավ պատկերացում կազմեն այս ամենի մասին:
Միջոցառման վերջում, Նաիրա Ղազարյանը անակնկալ մատուցեց բոլոր հյուրերին և 2025 թվականը ներկայացրեց հյուրերին իրենց անհատական թվերով:
