«Ադրբեջանի կողմից կա պահանջ, որը իջեցված է Հայաստան-Ադրբեջան բանակցությունների հիմքում, և Ադրբեջանը շատ հստակ ասում է, թե ինչին կարղ է հասնել խաղաղ ճանապարհով՝ գնալու է այդ ճանապարհով, իսկ ինչին հնարավոր չեղավ հասնել խաղաղով՝ գնալու է պատերազմական գործողություններով»,-ԱԺ-ում ճեպազրույցի ժամանակ ասաց «Պատիվ ունեմ» խմբակցության քարտուղար Տիգրան Աբրահամյանը՝ անդրադառնալով Ալիևի վերջին հայտարարություններին։
Նրա խոսքով՝ Ադրբեջանի նախագահի հայտարարությամբ սկզբունքների կամ ընդհանուր ճանապարհի առումով տեղի է ունեցել շատ մեծ փոփոխություն և բանակցային գործընթացի տարբեր էլեմենտների գաղտանզերծում են կատարում։
«Պրոցեսն այնպիսին է, որ այն ենթադրում է Հայաստանի կողմից նոր, ավելի մեծ տարածքային զիջումներ, և երկրորդ տարբերակը՝ որևէ ձևով բացառելու չէ, որ ադրբեջանը գնա հերթական արկածախնդրության ճանապարհով»,-ասաց Աբրահամյանը։
Անդրադառնալով Նիկոլ Փաշինյանի առաջարկին, որ խաղաղության պայմանագրով նաև սպառազինության վերահսկում պետք է ամրագրվեն՝ ընդդիմադիր պատգամավորը հիշեցրեց, որ գոյություն ունի ՄԱԿ-ի ռեեստր, որտեղ պետությունները ներկայացնում են իրենց ռազմական մատակարարումների չափերը, բայց տարիները ցույց են տվել որ Ադրբեջանը և այլ պետություններ այդ թվերն ըստ համապատասխանության չեն ներկայացրել։
Ըստ Աբրահամյանի, դրանով հայկական կողմը փորձում է ներկայացնել իր կառուցողական կեցվածքը, այն դեպքում, երբ Արդբերջանը չի էլ թաքցնում իր ագրեսիվ պահվածքը։
«Վերջին օրերի իրադարձությունները, պաշտոնական Երևանից և Բաքվից հնչող հայտարարությունները տարբեր իրադրային մեկնաբանությունները ցույց են տալիս, որ իրավիճակը կարող է կտրուկ փոփոխության ենթարկվել և ռազմաքաղաքական այս իրավիկճակը կարող է կտրուկ սրվել»,-հայտարարեց ընդդիմադիր պատգամավարը, և նկատելով, որ բանակցային գործընթացում այսօր իրադարձություններն այնպես չեն զարգանում, ինչպես տարեվերջին էր, հավելեց. «Վերջին մեկ ամսում պարզ դարձավ, որ ընդհանուր փաստաթղթից փորձ է արվում դուրս բերել սահմանների դելիմիտացիայի և դեմարկացիայի հետ կամպված գործընթացը, ինչպես նաև ռեգիոնալ ապաշրջափակմանը վերաբերող դրույթը»։
Ըստ Աբրահամյանի՝ դրանք հայ-ադրբեջանական բանակցույթունների ամենաառանցքային դրույթներն են, իսկ երրորդը եղել է Արցախի կարգավիճակի հարցը, որն Ադրբեջանը պատերազմի միջոցով փորձեց լուծել, իսկ ՀՀ իշխանությունները փորձում են ցույց տալ, որ այդ էջը փակ է։
«Այս իրավիճակում ստացվում է, որ միգուցե ինչ-որ փուլում լինի փաստաթուղթ Հայաստանի և Ադրբեջանի միջև, մարդկանց մոտ տպավորություն ստեղծվի, թե Հայաստանը վերաջապես գնում է խաղաղության և տարածաշրջանում խաղաղություն և կայունություն է հաստատվում, բայց եթե կարևորագույն այդ երկու դրույթները՝ սահմանների ճշգրտման և ռեգիոնոլ ապաշրջափակման հետ կապված դուրս են մնում փաստաթղթից, այն նշանակում է, որ եղած սպառնալիքները որևէ ձևով չեն փակվում և ցանկացած փուլում դրանք կարող են բերել իրավիճակի կտրուկ սրմանը, այդ թվում՝ ռազմական գործողությունների մեկնարկին»,- ասաց Տիգրան Աբրահամյանը։