Այս ԵԽ-ն հանձն է առել էլ ավելի խորացնելու ՀՀ-ԵՄ երկկողմ կապերը. Երևանում ընթացող Հայաստան-ԵՄ խորհրդարանական գործընկերության կոմիտեի 4-րդ նիստի բացմանն ասաց Հայաստան-ԵՄ խորհրդարանական գործընկերության կոմիտեի համանախագահ Նիլս Ուշակովսին։
Նա նշեց, որ կոմիտեի նախորդ հանդիպումներին քննարկման խնդիրներում գերակայել են Ադրբեջանի հետ կապված թեման, որը շարունակվում է առանցքային հարց մնալ, սակայն զուգահեռ հիմա շատ արագ զարգանում է ՀՀ-ԵՄ համագործակցության հարցը։
Կոմիտեի համանախագահը հիշեցրեց՝ ՀՀ-ն օրենք է ընդունել, որը ՀՀ-ԵՄ անդամակացության գործընթացի մեկնարկն է․ «Այն արտահայտում է, որ ԵՄ-ն գավիչ է հասարակության համար, և մենք դա ողջունում ենք։ Ճշմարտությունն այն է, որ ԵՄ-ն և ՀՀ-ն երբեք այսքան սերտ հարաբերություններ չեն ունեցել»։
Նիլս Ուշակովսին նկատեց, որ աշխարհն այսօր գտնվում է երերուն վիճակում և այսպիսի պայմաններում Հարավային Կովկասում շատ կարևոր է, որ իրենք իրենց անվտանգային համագործակցությունը զարգացնեն։
«ԵՄ-ի քաղաքացիական առաքելությունն օգնել է իրավիճակը կայունացնել ՀՀ սահմանին։ Իհարկե, Բաքուն և Մոսկվան թիրախավորում են այս առաքելությունը և մեղադրանքներ են ներկայացնում, բայց հարց է առաջանում՝ չզինված քաղաքացիական առաքելությունն ի՞նչ սպառնալիք կարող է նրանց ներկայացնել։ Նրանք փորձում են սա դիտարակել վտանգ կամ խոչընդոտ խաղաղության համաձայնագրին։ Կարևոր է՝ հասկանանք, թե Բաքուն ինչու է մերժում այս համագործակցությունը և ցանկանում դադարեցնել ԵՄ առաքելությունը ՀՀ-ում։
ՀՀ-ն, իհարկե, առաջարկել է, որպեսզի լինեն զինամթերքի փոխադարձ վերահսկողության մեխանիզմներ, և սա օրինակ է, որ ՀՀ-ն հանձն է առել խաղաղության օրակարգի կատարմանը, և մենք դրան աջակցում ենք։ Իսկ Ադրբեջանի արձագանքն այս ամենին շատ դժվար է հասկանալ և մեկնաբանել»,-ասաց նա։
ԵՄ պատվիրակության ղեկավարը նշեց, որ ԵՄ-ն հետաքրքրված է ՀՀ-ի ներկայացրած «Խաղաղության խաչմերուկով», որը կարևոր է տարածաշրջանի համար։
««Խաղաղության խաչմերուկ»-ի պարագայում ՀՀ-ն կարող է ունենալ ազատ ընտրություն դեպի եվրոպական ապագա, ինչն էլ ենթադրում է տնտեսական դիվեսիֆիկացիա։ Սա ևս մեկ պատճառ է, որ կենտրոնանանք կոմունիկացիայի բացման ազատության վրա և մենք միանգամայն աջակցում ենք և կոչ ենք անում՝ Անկարան սահմանային հարցերն առաձնացնի ՀՀ-Ադրբեջան հարաբերությունների օրակարգից»,-ասաց նա։