Քիմ Քարդաշյանը փորձում է պաշտպանել իր չորս երեխաներին իրենց հոր՝ Քանյե Ուեսթի վայրի հայտարարություններից, հայտնում է In Touch-ը՝ վկայակոչելով աղբյուրին։ Այժմ նրա հիմնական նպատակը հանգիստ և առանց դրամաների մթնոլորտի պահպանումն է:
«Որքան էլ նա և ընտանիքում բոլորը զայրացած են, ոչ ոք իրավունք չունի որևէ բառ նշել Քանյեի մասին կամ որևէ բան, որը տեղի է ունենում, երբ երեխաները տանն են»,-ասում է աղբյուրը: «Լռության երդումը» վերաբերում է նաև բոլորին, ովքեր քննադատում են Քիմի նախկին ամուսնուն։
«Անկասկած, հայհոյանք չի թույլատրվում, վերջին բանը, որ նա ցանկանում է, այն է, որ իր երեխաները ավելի շատ տրավմա ստանան»,-բացատրում է ինսայդերը:
Քանյեն վերջերս ասել էր, որ Քիմից երեխաներ չէր ցանկանում ունենալ։
«Ես չէի ուզում երեխաներ ունենալ նրանից՝ նրա հետ հարաբերությունների առաջին երկու ամիսներից հետո, բայց Աստված այլ ծրագրեր ուներ»,-ասել է Քանյեն փոդքասթեր DJ Akademiks-ին: Նա շարունակել է քննադատել «Քարդաշյանների հանցախմբին», որը, ըստ նրա, դժոխք էր դարձրել իր կյանքը իրենց ութ տարվա ամուսնության ընթացքում:
«Դա բացարձակապես սարսափելի է, և նա չի կարողանա հավերժ պաշտպանել նրան սրանից, բայց նրանք դեռ փոքր են, և նա անում է այն, ինչ կարող է», -ասում է աղբյուրը՝ խոսելով Քիմի ջանքերի մասին: «Նա սահմանափակում է սոցիալական մեդիան, լուրերը միացված չեն, նա փորձում է նրանց զբաղեցնել»:
Աղբյուրը նշում է, որ չնայած Քանյեի քայլերին, Քիմն անհանգստանում է իր նախկին ամուսնու բարօրության համար, քանի որ աշխարհը տենչանքով է հետևում նրա անկմանը: «Տեսնել Քանյեին նման սարսափելի վիճակում և առանց որևէ մեկի, ով օգնի նրան, այնքան սարսափելի է: Այն ամենը, ինչ նա կարող է անել հիմա, դա թաքցնելն է իր երեխաներից, որպեսզի նրանք հնարավորինս երկար մնան անհոգ»: