Իսրայելն Իրանի դեմ իր գործողությանը տվել է «Առյուծի մռնչոց» անվանումը, հայտնում է Times of Israel-ը:
Անվանման վերաբերյալ որոշումը կայացրել է Իսրայելի վարչապետ Բենիամին Նեթանյահուն, թեև Իսրայելի պաշտպանության բանակը (ՑԱԽԱԼ) հարվածների համար ունեցել է այլ ներքին անվանում: Իրանի դեմ ՑԱԽԱԼ-ի վերջին գործողությունն իրականացվել է 2025 թվականի հունիսին և կոչվել է «Խոյացող առյուծ»:
«12-րդ ալիքի» տեղեկություններով՝ Իրանի տարածքում այսօրվա հարվածները թիրախավորել են նախարարների և զինվորական հրամանատարների տները, Պաշտպանության նախարարության և հետախուզության օբյեկտները, ինչպես նաև նախագահական նստավայրը: