Սիրիայում իշխող խմբավորման գործողությունները երկրի տարբեր էթնիկ խմբերի նկատմամբ թուրքական ձեռագիր է, որը սպառնում է ոչ միայն Սիրիայի ժողովրդին, այլև տարածաշրջանին առավել ընդգրկուն համատեքստում, գրել է ԱԺ պատգամավոր Տիգրան Աբրահամյանը։
«Թուրքական հետքն ու թուրքական քաղաքականության դրսևորումներն ընդգծվեցին դեռ նախորդ տարի Սիրիայում Բաշար Ասադի իշխանության տապալման և նոր իշխանության ձևավորման ժամանակ։ Այսօր արդեն ուրվագծվում են նույն թուրքական ավանդական մեթոդներով էթնիկ զտումներ իրականացնելու և ցեղասպան գործողությունների տեսքով:
Երբ խոսում էինք Հայոց ցեղասպանության միջազգային ճանաչման գործընթացի մասին, երբ ասում ենք, որ դա անվտանգության խոշոր բաղադրիչ ունի, երբ խոսում ենք Թուրքիայի հետ հարաբերությունների նրբերանգների և բարդությունների մասին, ՀՀ իշխող ուժը դա փորձում է արդարացնել փողով, կենցաղով և պրիմիտիվ դատողություններով:
Թուրքիան իր ծավալապաշտական, անհագուրդ և չհիմնավորված հավակնություններով լուրջ անվտանգության սպառնալիք է ողջ տարածաշրջանի համար», – գրել է պաշտոնյան: