Քանյե Ուեսթը մեղադրել է իր նախկին կնոջը՝ Քիմ Քարդաշյանին, և նրա ամբողջ ընտանիքին՝ երեխաների վաճառքով՝ թրաֆիքինգով զբաղվելու մեջ։ Այս մասին գրում է India Today-ը։
Պատճառը Քիմի՝ դատարան դիմելն էր՝ այն բանի համար, որ Քանյեն առանց իր համաձայնության իրենց դստեր՝ Նորթի ձայնը օգտագործել էր P. Diddy-ի մասնակցությամբ երգի ստեղծման մեջ։
Ուեսթը նաև ասել է, որ իրեն արգելել են մեծացնել դստերը և նույնիսկ թույլ չեն տվել մասնակցել նրա ծննդյան տարեդարձին։ Ռեփերը մեղադրել է Քարդաշյաններին, որ իբր նրանք սևամորթ երեխաներ են ունենում՝ հետագայում նրանց վաճառելու նպատակով։
Հիշեցնենք, որ Քանյեն և Քիմը ամուսնացած են եղել ութ տարի և այդ ընթացքում ունեցել են չորս երեխա։ 2022թ. նրանք ամուսնալուծվել են և պայմանավորվել երեխաների համատեղ խնամքի վերաբերյալ, սակայն Քանյեի տարօրինակ վարքի պատճառով նրանց հարաբերությունները կտրուկ վատացել են։