ԱՄՆ նախագահ Դոնալդ Թրամփը հայտարարել է, թե Ուկրաինայի նախագահ Վլադիմիր Զելենսկին ցանկանում է դուրս գալ հազվագյուտ մետաղների վերաբերյալ գործարքից, գրում է Reuters-ը։ Թրամփը, մասնավորապես, սպառնացել է, որ Զելենսկին «մեծ խնդիրներ» կունենա, եթե դուրս գա գործարքից։ «Նա փորձում է դուրս գալ հանածոների գործարքից, և եթե դուրս գա, ապա կունենա խնդիրներ, մեծ, մեծ խնդիրներ։ Նա ցանկանում է լինել ՆԱՏՕ-ի անդամ, բայց երբեք չի լինի ՆԱՏՕ-ի անդամ, նա դա հասկանում է»,- ասել է Թրամփը լրագրողներին նախագահական ինքնաթիռում։
Հավելենք, որ ավելի վաղ լրատվամիջոցները հրապարակել էին ԱՄՆ-ի և Ուկրաինայի միջև նոր համաձայնագրի նախագծի մանրամասները։ Այն պարունակում է շատ ավելի ագրեսիվ պահանջներ Վաշինգտոնի կողմից, այն է՝ վերահսկողություն Ուկրաինայի հանքային պաշարների և էներգետիկ ակտիվների նկատմամբ։