Լոռիում եւ Տավուշում մայիսյան ջրհեղեղից հետո ու հատկապես հիմա՝ գարնանը երբ ձնհալի ու հորդառատ անձրեւների շրջան է ու Դեբեդի մակարդակը կրկին բարձր է, շատ է խոսվում ու կարեւորվում բնական երեւույթների ժամանակ վաղ ազդարարման համակարգերի ներդրման մասին: Ինչպես հայտի է, վաղ ազդարարման համակարգերը կարեւոր են նրանով, որ նպաստում են զոհերի կանխարգելմանը և նյութական վնասների նվազեցմանը:
Զարգացած երկներում ներդրված ժամանակակից համակարգերը գործում են, իսկ Հայաստանում դրանք ներդրված չեն, սակայն կլիմայի փոփոխության համատեքստում պարզապես անհրաժեշտություն են:Դեբեդի դեպքում վարարումն իսկապես աննախադեպ էր, եւ մայիսյան ջրհեղեղից առաջ գրանցվել է միայն 1959 թվականին: Հայաստանը, լինելով Համաշխարհային Օդթերեւթաբանության Կազմակերպության (ՀՕԿ) անդամ, ինտեգրվել է «Բոլորի համար վաղ նախազգուշացում» ծրագրին եւ վաղ ազդարարման համակարգերը Հայաստանում հասանելի կլինեն միայն առաջիկա տարիներին: Իսկ գետամերձ բնակավայրերի բնակիչներն այս տարի ավելի զգուշավոր են: