«Բանակում ինչ լինում է, բոլորս հարձակվում ենք պաշտպանության նախարարության վրա։ Հետո երբ ուսումնասիրում ես, կարդում ես, կարդում ես, կարդում ես, կարդում ես, հետազոտություն ես պատվիրում, ասում ես, բայց մի րոպե, այս պրոբլեմներից ոչ մեկ բանակում չի ձևավորվել»,-կառավարության նիստում այսօր հայտարարեց Նիկոլ Փաշինյանը։
Նրա խոսքով, այդ խնդիրները քաղաքացիական կյանքից կտոր-կտոր գալիս են ու փազլի նման հավաքվում։
«Շատ պարզ տրամաբանությամբ։ Ու մենք սա չենք հասկանում։ Գնում ենք, ասում ենք, սա անենք բանակում, բանակում անելն արդեն ուշ է, ժողովուրդ ջան։ Բանակում էլ չենք կարա բան անենք, պիտի մանկապարտեզում, դպրոցում անենք, բուհում պետք է անենք, բանակում էլ իր հերթին։ Բայց իրականում ըտենց է»,-ասաց Փաշինյանը։
Նրա խոսքով, ֆիզիկական ու հոգեբանական պատրաստվածության մակարդակ կա, որը պետք է ապահովել։
«Մեր երեխաները դպրոցից դուրս են գալիս, կյանք են մտնում հոգեբանական պատրաստություն չունենալով, թույլ կամքով։ Դե եկեք, չասենք սա։ Բայց ինչքա՞ն կլինի սա չասել»,-հայտարարեց Փաշինյանը։