Ստյոպա Սաֆարյանն իր ֆեյսբուքյան էջում գրառում է արել՝ անդրադառնալով Սերժ Սարգսյան — Ռոբերտ Քոչարյան կեղծ հակամարտությանը։
Երբեք ու երբեք չվստահեք Ռոբերտ Քոչարյան-Սերժ Սարգսյան կոնֆլիկտին։ Դա մեծ կեղծիք է, և եթե որևէ քաղաքական ուժ իր հաշվարկներում ապավինում է այդ կոնֆլիկտին, թող կանխավ իմանա՝ հիասթափություն է ունենալու։ Նրանք սիամական երկվորյակներ են և ունեն մեկ մարմին, մեկ պորտալար, և դա մի տեղ է տանում՝ բոլորիդ հայտնի հասցեն։ Նրանց կոնֆլիկտի միակ դաշտը եղել է սիցիլիական մաֆիայի սկզբունքով ազդեցության, հարստության, փողի, տնտեսական ոլորտի բաշխումը։ Նրանք այլ կոնֆլիկտ չեն ունեցել և չեն ունենալու։ Նրանց միավորող հարցերն ու շահերն ավելի շատ են՝ 1998թ․ Հայաստանում իշխանազավթումից, 1999թ․ հոկտեմբերի 27-ից մինչև 2008թ․ մարտի 1։
Նրանց ներքևի օղակները ուղղակի առաջնորդներին նվիրվածությամբ գզվրտվում են՝ մինչև վերջիններիս հերթական գործարքը «վիճելի» թեմայի շուրջ։ Գյումրիից սկսած նրանք թատրոն են խաղում Հայաստանի հասարակության առջև, թե իբև հակառակորդ են, բայց հեռահար նպատակն է՝ Գյումրիի օրինակով ձայներ փախցնելն ու միասնաբար իշխանությունը հերթական անգամ զավթելը։ Այնպես որ՝ նրանց երբեք չդիտարկեք առանձին․ Հայաստանի հիբրիդային նվաճողները այս անգամ ուղղակի որոշել են երկու և ավելի շարասյունով գնալ՝ նախընտրական շրջաններում ձևավորելով կոնսենսուս-1, որոշման ընդունման պահին ու հետո կեղծ թատերական տարաձայնության բեմականացումով․․․
Միմյանցից բաժանվելու, ապահարզան տալու ու միմյանց ատելու հեքիաթներին երբեք չհավատաք։ Աչքով էլ տեսնեք, որ առաջին դեմքերով իրար սրախողող են անում, չհավատաք․ Վանո Սիրասեղյանի ասած՝ Բաքվի մեդրեսեների ու ռուսական ԿԳԲ-ի դպրոցներում սերտած դասերն են։
Ցանկացած քաղաքական դերակատարի համար աքսիոմատիկ պետք է լինի «ժողովրդավարական ուժերի կոնսենսուս-այդ երկուսը»։