Քաղաքագետ, ՌԴ կառավարությանն առընթեր Ֆինանսական համալսարանի փորձագետ Դենիս Դենիսովը Alpha News-ի հետ զրույցում անդրադարձել է «Քաղաքացիական պայմանագիր» խմբակցության պատգամավոր Խաչատուր Սուքիասյանի այն հայտարարությանը, թե 2023 թվականին ադրբեջանական ագրեսիայի ժամանակ արցախցիները չեն կռվել։
«Սա ապացուցում է, որ հայ հասարակության մեջ կա լուրջ պառակտում, և մենք գիտենք, որ այդ պառակտումը Արցախի բնակիչների և Հայաստանի մյուս բնակիչների միջև է, և այն, իհարկե, առավել ցայտուն է դրսևորվել քաղաքական հարթությունում և հենց քաղաքական գործիչների շրջանում։ Սա շատ տարօրինակ և սխալ հայտարարություն է։ Ընդ որում, դժվար թե այստեղ հարկ լինի կարծել, որ մարդն ուղղակի չի տիրապետել տվյալներին, մարդն ուղղակի ցանկացել է տեղ հասցնել իր ինչ-որ մեսիջը, իր ինչ-որ գաղափարը, որը դժվար թե ընդունելի լինի հայաստանցիների մեծամասնության համար։ Սա այն դեպքերից է, երբ անհրաժեշտ է պատասխանատվությունը գցել ուրիշի վրա։
Լինելով իշխող կուսակցության անդամ, բնականաբար, նրան ձեռնտու չէ խոսել այն մասին, որ ստեղծված իրավիճակում մեծամասամբ մեղավոր է գործող վարչապետը կամ նրա քաղաքական ուժը։ Այդ պատճառով գործի են դրվում տարբեր փորձեր՝ հաճախ պարզապես վիրավորական և անհեթեթ, որոնց միջոցով այդ մարդիկ փորձում են իրենց պատասխանատվությունը գցել ուրիշի վրա», — ասել է Դենիսովը։