Չի կարելի ենթադրել, որ մինչև ՀՀ Սահմանադրությունը չփոփոխվի՝ Խաղաղության պայմանագիրը չի ստորագրվի։ Այս մասին խորհրդարանական ճեպազրույցների ընթացքում ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը։
«Նախ մենք էլ ունենք որոշ մտահոգություններ ՝ կապված Ադրբեջանի սահմանադրության հետ, նաև Ադրբեջանի որոշ շրջանակների կողմից որոնք էլի Հայաստանի նկատմամբ տարածքային պահանջների մասին են ՀՀ-ի նկատմամբ։ Բայց բոլոր այս մտահոգությունները և հարցերը փարատվում են խաղաղության պայմանագրի տեքստում, այն համատեքստում, որ այս պայմանագիրը վեր է ներպետական օրենսդրությունից հետևաբար այս մտահոգությունները փարատված կլինեն։ Մենք այսպես ենք պատկերացնում խնդրի լուծումը»։
Անդրադառնալով Նիկոլ Փաշինյանի պնդմանը, թե կան շրջանակներ, որոնք համակարտությունը փորձում են տեղափոխել ՀՀ տարածք՝ Հովհաննիսյանն ասաց, որ վարչապետը խոսել է Ադրբեջանի իշխանությունների մտահոգությունների մասին, նաև քաղաքական մի խումբ շրջանակների, որոնք տարբեր կոչեր են անում, Արևմտյան Ադրբեջանի մասին են խոսում։ «Նա սա որպես ռիսկ է դիտարկում և դրա լուծումն էլ տվել»։