Ինչպես արդեն հայտնել էինք, այսօր Երևանի ավագանու «Իմ քայլը» խմբակցությունը հրատապ նիստ է հրավիրել, քննելու ավագանու անդամ Հենրիկ Հարթենյանի երկվա ֆեյսբուքյան գրառումը: Խմբակցությունը որոշում է կայացրել Հարթենյանին հեռացրել խմբակցությունից: Լրագրողների հետ զրույցում Երևանի ավագանու «Իմ քայլը» խմբակցության ղեկավար Սուրեն Էյրամջյանը նշեց, որ հորդորել են Հարթենյանին մանդատը վայր դնել և վերջինս հայտարարությամբ հանդես կգա այսօր:
Հիշեցնենք, որ երեկ Երևանի ավագանու «Իմ քայլը» խմբակցության անդամ Հենրիկ Հարթենյանը ֆեյսբուքյան իր էջի story բաժնում ՍԴ նախագահ Հրայր Թովմասյանի դստեր էջի լուսանկարն է հրապարակել և կից գրել. «Հ. Թովմասյանի աղջկա ֆբնա, ձեզ տեսնեմ ժողովուրդ ջան»:
ArmDaily.am-ը Հենրիկ Հարթենյանից փորձեց ճշտել, թե ինչ նպատակ էր հետապնդում վերջինիս story-ն: Մեր ճշտող հարցին, թե ինչ ի նկատի ուներ «ժողովուրդ ջան ձեզ տեսնեմ» արտահայտությունն ասելով, ավագանու անդամը պատասխանեց. «Թովմասյանի աղջկան ուղղակի էի ներկայացրել ժողովրդին, տեսնելու, թե ինչքանով է հետաքրքրում ժողովրդին: Հանրային հետաքրքրություն կա իրենց ընտանիքի նկատմամբ, ես էլ ներկայացրեցի որոշ չափով»: