«Հարգելի և շատ սիրելի Սերժ Թանկյան,
Ամիսներ շարունակ Ձեզ զգուշացնում էինք, որ չի կարելի հապաղել: Ձեզ զգուշացնում էինք, որ ժողվարչապետին տրված խոստումը (բնակարան գնել և ավելի շատ ժամանակ անցկացնել Հայաստանում) չկատարելը Ձեր իրականացրած ոչ բռնի, ժողովրդական, թավշյա հեղափոխության հաղթանակի համար հղի է անկանխատեսելի հետևանքներով:
Խնդրեմ, հեղափոխական զանգվածները լքում են երկիրը և գալիս են Լոս` մշտական բնակության: Գիտե՞ք ինչու: Մտածեք այդ մասին: Միգուցե գալիս են Ձեր կողմերը, որովհետև Դուք անձա՞մբ եք խաբել մարդկանց: Չէ որ օգտագործելով Ձեր ճանաչվածությունն ու հեղինակությունը` Դուք ստորաբար խաբել եք մարդկանց:
Դուք կոչ եք արել մարդկանց փողոց դուրս գալ և փողոցով պետական հեղաշրջում իրականացրել: Անձամբ եք մասնակցել հեղաշրջմանը: Անձամբ եք ուղղորդել: Անձամբ եք մարդկանց ավելի լավ կյանքի հույս ներշնչել:
Հասկանու՞մ եք` ինչ եք արել, հասկանու՞մ եք` մարդկանց հուսախաբ եք արել, մարդկանց օգտագործել ու թողել եք մեն-մենակ, Ձեր իսկ հորինած լկտի ստի հետ մենկ-մենակ: Դուք մարդկանց գաղթական եք դարձրել: Բայց ի տարբերություն Ձեզ, որ սոցիալական ոչ մի խնդիր չունեք, դեպի Լոս գաղթի ճամփան նոր բռնածները աշխատանքի (հաճախ սևագործ) և հանապազօրյա հացի խնդիր ունեն:
Երևանի արվարձաններում մի բնակարն գնելը Ձեր համար ի՞նչ էր, շատ մեծ խնդի՞ր էր: Դուք նույնիսկ ժողվարչապետին խաբեցիք:
Առաջարկում եմ հեղափոխական ցեխի գծով Ձեր ընկերոջ` Հայաստանի հարկատուների գումարներից միլիոններով աշխատավարձ ստացող Սփյուռքի գործերով հանձնակատար Զարեհ Սինանյանի հետ հիմիկվանից խելք-խելքի տալ ու մտածել, թե շատ շուտով ի՞նչ եք ասելու հայաստանցիներին ու Հայաստանից Լոս արտագաղթածներին:
Երևանից որ փախչեք, հո՞ Լոսից էլ չեք փախչելու. մարդանց Լոսի փողոցներում ու կաֆեներում հանդիպելու եք չէ՞, նրանց աչքերի մեջ նայելու եք չէ՞:
Մտածեք, թե ի՞նչ եք ասելու, ո՞նց եք արդարանալու, ո՞նց եք պատասխան տալու, թե ոնց խաբեցիք ու քցեցիք մի ողջ ժողովրդի: Մտածեք պարոն, մտածեք…»։