Արցախի Հանրապետության նախագահի անվտանգության հարցերով խորհրդական Տիգրան Աբրահամյանը մանրամասներ հաղորդեց Պաշտպանության բանակի կենտրոնական ենթակայությամբ գործող զորամասերից մեկում դեռևս չպարզված հանգամանքներում հրազենային վիրավորում ստացած զինծառայողի մահվան դեպքի առնչությամբ: «Արմենպրես»-ի հետ զրույցում Աբրահամյանը նշեց, որ դեպքը սահմանապահ զորամասում չի եղել:
«Դեպքը սահմանին չի տեղի ունեցել և հակառակորդի հետ կապ չունի»,- ասաց Աբրահամյանը:
Արցախի պաշտպանության բանակի կենտրոնական ենթակայությամբ գործող զորամասերիցմեկում հունվարի 30-ին՝ ժամը 13:15-ի սահմանում, դեռևս չպարզված հանգամանքներում,մահացու հրազենային վիրավորում է ստացել ՊԲ զինծառայող, 2000թ. ծնված Վահրամ ՄկրտիչիԱվագյանը: Դեպքի մանրամասները պարզելու համար կատարվում է քննություն: