ՀՔԾ-ում Նարեկ Սամսոնյանի հարցաքննությունն ավարտվեց: Լրագրողների հետ զրույցում նա հայտնեց, որ վերջին րոպեներին բավականին խայտառակ շրջադարձ տեղի ունեցավ. «Ես որևէ թղթի տակ չեմ ստորագրել նախաքննական գաղտնիքի մասին, դրա համար կարող եմ ասել, որ գործի մասով չէինք սպասում (խոսքն «իկռայի» գործի մասին է): ՀՔԾ-ն հաստատեց իմ կողմից հայտնած գրեթե բոլոր տեղեկությունները: Իմ խորին համոզմամբ, ՀՔԾ քննիչ Լեռնիկ Ստեփանյանի հարցաքննության ողջ ընթացքը վերահսկվում էր Սասուն Խաչատրյանի կողմից: Հարցերին ես տվել եմ շատ կոնկրետ պատասխաններ, իսկ քննիչը պետք է արձանագրեր իմ պատասխանները: Ինչ-որ պահի քննիչը դուրս եկավ սենյակից, մոտ 7-10 րոպե հետո վերադարձավ նոր հարցերով, որոնց տրվեցին պատասխաններ, որոնք տրվել էին նախկինում: Դրանից հետո քննիչն ավարտեց հարցաքննությունը:
Հարցաքննությունից հետո սկսեցինք ծանոթանալ թղթի հետ, որտեղ պետք է լինեին հարցերն ու իմ պատասխանները: Պարզվեց, որ քննիչ Լեռնիկ Ստեփանյանը պաշտոնական կեղծիքի միջոցով իմ պատասխանները տպելուց առաջ ջնջել էր, նորից տպել: Նմանատիպ աբսուրդ մոտեցում ես երբեք չեմ տեսել:
Քննիչ Լեռնիկ Ստեփանյանը պաշտոնական կեղծիք է թույլ տվել, իմ խոսքերը հեռացրել է, հարցի պատասխանի տրամաբանությունն ամբողջովին կտրել է: Ինձ տրված հարցի բուն հատվածին պատասխանելուց հետո ես ավելացրել եմ, որ իմ վերաբերմունքը տվյալ հարցի շուրջ ձևավորվել է նաև արտաքին գործոններով, որոնցից ամենաառաջինն այն է, որ ՀՔԾ պետ Սասուն Խաչատրյանը քաղաքական գործունեությամբ է զբաղվել ու զբաղվում է, նա պետք է ենթարկվի պատասխանատվության:
Ես արժանահավատություն չունեմ ՀՔԾ-ի և Սասուն Խաչատրյանի նկատմամբ: Սա քննիչը հանել էր: Վերջում մենք հրաժավեցինք մասնակցել որևէ գործողության, քանի որ մենք գործ ունեինք պաշտոնական կեղծիք կատարած քննիչի հետ, որին իմ խորին համոզմամբ, սենյակից դուրս գալուց հետո հրահանեցին հանել իմ կողմից շարադրված իրենց պետի նկատմամբ ունեցած վերաբերմունքը, որն ուղղակիրոեն կապված էր իրենց տրված հարցի պատասխանի բովանդակության հետ:
Այդ պահից սկսված ես հրաժարվեցի որևէ գործողության մասնակցել կեղծարար քննիչի մասնակցությամբ: Որևէ բան չեմ ստորագրել:
Պաշտոնապես հայտարարում եմ, որ սա քաղաքական հետապնդում է, որի հիմնական նպատակն է սահմանափակել իմ խոսքի ազատությունը, ինձ մեկուսացնել որևէ ձևով, ինձ առաջադրել մեղադրանք, ինչն անելու է կեղծարար քննիչ Լեռնիկ Ստեփանյանը: Սա ամբողջությամբ ուղղորդված է Նիկոլ Փաշինյանի կողմից, նրա հրահանգով Սասուն Խաչատրյանը հերթական քաղաքական հետապնդումն է նախաձեռնել՝ հանցակից դարձնելով Լեռնիկ Ստեփանյան անուն ազգանունով հատկապես կարևորագույն գործերով քննիչին, ում արած հանցագործության հանրային ճանաչելիությունը կապահովեմ գրասենյակ հասնելուց հետո»:
https://www.youtube.com/watch?v=iq93dGETGJk&feature=emb_logo