Ավտոմեքենա ներկրողները հայտարարում են, որ կառավարության դիմաց վառելու են ներկրած ավտոմեքենաները։
«2019 թվականի օգոստոսի 1-ին գնել եմ 4 մեքենաները, ինձ հասել է դեկտեմբերի 31-ին, որովհետեւ Վրաստանն իրենց կոնտեյներն էին դատարկում, հետո հայերինը»,- պատմեց ավտոներկրողներից մեկը՝ նշելով, որ 4 վարկ է փակում եւ հույսը այդ 4 մեքենաներն են, որոնք մնացել են Բագրատաշենի մաքսատանը։
Քաղաքացին հայտարարեց, որ չի պատրաստվում 5 հազարի փոխարեն վճարել 200.000։
Քաղաքացին հայտարարեց, որ դրանք վառելու է կառավարության ու ՊԵԿ-ի մոտ, բանկերն էլ ումից ուզում են թող վերցնեն վարկերը։ «Արդեն զզվել եմ ու ոչ միայն ես»,- ասաց քաղաքացին։
Հիշեցնենք, որ այսօր ավտոներկրողներն իրենց հերթական բողոքի ակցիան են իրականացնում կառավարության մոտ՝ պահանջելով 3 շաբաթ առաջ ուղարկված նամակի պատասխանը։
Մանրամասները՝ տեսանյութում