Թուրքիայի ԱԳ նախարար Մևլյութ Չավուշօղլուի հետ հանդիպմանն Ադրբեջանի նախագահ Իլհամ Ալիևը հայտարարել է, որ իր երկրում քաղբանտարկյալներ չկան, սակայն օրինակ Հայաստանում կան:
Ալիևը հայտարարել է, որ Հայաստանում արդեն ավելի քան 1 տարի է ձերբակալված է երկրորդ նախագահ Ռոբերտ Քոչարյանը, ով ձերբակալվեց այն բանից հետո, երբ հայտարարեց ակտիվ քաղաքականություն վերադառնալու մասին:
Ալիևը խոսել է նաև Սերժ Սարգսյանի մասին՝ հայտարարելով, որ վերջինիս նկատմամբ քննություն է ընթանում:
Նրա խոսքերով, նախկին նախագահներն այս վիճակում հայտնվել են բացառապես երկրի իշխանություններին քննադատելու պատճառով:
Հարևան երկրի ղեկավարը հայտարարել է, որ Հայաստանում հետապնդման են ենթարկվում նաև լրագրողները, լրատվամիջոցներից մեկի ղեկավարն էլ ձերբակալված է:
Ալիևի գանգատվել է, թե ինչու Եվրոպայի Խորհուրդը նկատի չի ունենում վերոնշյալը, ինչու Երևանի ու Բաքվի նկատմամբ տարբեր վերաբերմունք կա: