Այն, ինչ կատարվում է ՀՀ-ում, ինչու ոչ՝ Ազգային ժողովում, գժվելու բան է: Այս մասին Ազգային ժողովում Սահմանադրական փոփոխությունների նախագծի քննարկման ժամանակ իր ելույթում ասաց ԱԺ փոխնախագահ Ալեն Սիմոնյանը:
«Լրատվամիջոց կա, ոչ մեկ, որը գումար է ստանում այն մարդուց, ով ՀՀ-ում լրատվամիջոց է փակել, ով ԵԽԽՎ-ին պոլիտբյուրո էր ասում, ով ՀՀ-ում քաղբանտակյալներ էր ստեղծում և գալիս, ինձ ասում էին ԵԽԽՎ զեկույցի մասին: Ինձ համար դա աբսուրդ է»,-ասաց նա և նշեց, որ երկու քրեական գործ ունեցող անձնավորությունն ինչ-որ խմբակ է ստեղծել և իրեն հանրայնորեն կոչեր է անում լրատվամիջոցների հետ պակեշտ խոսելու վերաբերյալ:
Ալեն Սիմոնյանը նշեց, որ կոորդինատների ճշտման կարիք կա քաղաքական առումով և չի լինում կիսատ որևէ բան: Նա ասաց, որ իրենք հեղափոխություն չէին անի, եթե գործին չմոտենային անձնազոհաբար, եթե չհասկանային՝ ուր են գնում: «Չի կարելի կիսատ հեղափոխական լինել՝ ասել, որ մենք հեղափոխությանը չենք մասնակցում, բայց ակտիվ նայում էինք: Լավ էիք անում, նայում էիք, բա՞ն է եղել, ինչ-որ բան դուրներդ չի գալի՞ս, համարում եք՝ ինչ-որ եղել է, ճի՞շտ է եղել, եկեք մեզ հետ խոսեք, ասեք՝ մենք սենց առաջարկ ունենք»,-ասաց նա և նշեց, որ կա այդպիսի պատգամավոր, ինչի համար ինքը նրան հարգում է և նա «Իմ քայլ» խմբակցությունից չէ:
«Կամ դուք քաղաքական որոշում եք կայացնում՝ այրում եք ձեր կամուրջները անցյալի հետ, կամ դուք կանգնում եք հեղափոխության կողքին, որի հնարավորությունն ունեցել եք հեղափոխությունից առաջ, հեղափոխությունից հետո, մի քիչ առաջ կամ ազնիվ եղեք, եկեք, ասեք՝ դե մենք մեր տեղը չենք գտնում ո՛չ դահլիճում, ո՛չ քաղաքական դաշտում: Մի՛ նեղացեք, որ «Իմ քայլը» խմբակցության պատգամավորները, այս մաքուր մարդիկ, այս ընտրված մարդիկ, որոնք իրենց կյանքը, ազատությունը, ճակատագիրը, ամեն մեկը իր չափով դրել է այն բանի համար, որ մենք ունենանք այս լեգիտիմ Ազգային ժողովը, փորձում են մի բան անել, իսկ դուք…: Կողմնորոշվեք, հին աշխարհը մեռնում է՝ իր հետ տանելով այն բոլորին, ովքեր չեն հասկանալու, նորը հիշեք սա»,-ավարտեց նա: