Թայլանդացի ֆոտոլրագրողը ֆեյսբուքյան իր էջում հրապարակել է զանգվածային սպանություն իրականացրած զինվորի վանսազերծման ենթադրյալ պահը: Ավելի վաղ հայտնել էինք, որ Թայլանդի Կորատ քաղաքում զինվորը կրակ էր բացել առևտրի կենտրոնում՝ սպանելով 20 մարդու:
Հրապարակվել է նաև տեսանյութ՝ առևտրի կենտրոնի սրահում սպանված մարդկանց տեսարաններով: Սա խոսում է այն մասին, որ չարագործը պատանդներ է ունեցել:
Հիշեցնենք, որ «Տերմինալ 21» առևտրի կենտրոնում կրակոցներն սկսվել են փետրվարի 8-ի ցերեկը: Թայլանդական բանակի 32-ամյա զինվորականը սպանել է իր հրամանատարին ու 2 ծառայակիցների, ապա հափշտակել մեքենա ու մեկնել տեղի առևտրի կենտրոն: Ճանապարհին նա կրակել է անցորդների վրա և ֆեյսբուքյան ուղիղ եթերում ցույց տվել այդ ամենը:
Թայլանդի վարչապետը տեղեկացրել է, որ Նախոնրատչասիմա քաղաքում զինվորի կողմից կրակ բացելու հիմնական դրդապատճառը եղել է տան գործարքի շուրջ ունեցած վրդովմունքն ու խաբված լինելու զգացումը:
«Դա տան գործարքի պատճառով առաջացած անձնական կոնֆլիկտ է եղել»,- նշել է վարչապետը: Տարաձայնությունները կապված են եղել հրամանատարի հարազատների հետ, որն էլ առաջին սպանվածներից է եղել։
Կրակոցների հետևանքով վերջին տվյալներով մահացել է 27 մարդ, վիրավորվել՝ 57-ը։ Վիրավորներից 32-ը դեռևս հիվանդանոցում են, 25-ը դուրս են գրվել։
|
Կրակողին հնարավոր է եղել վնասազերծել միայն տեղի ժամանակով 09:00-ին: |