Ֆեյսբուքյան օգտատեր Գայանե Վանեցյանն իր էջում գրել է. «Հարգելի կենդանասերներ, ձեր դատին եմ ներկայացնում այս՝ համաճարակի և վարակի տարածման աղբյուր հանդիսացող, քմահաճ պետական կազմակերպությունների անգործության և անտարբերության արդյունքն ի հայտ բերող՝ հակահիգիենիկ և ինչու՞ ոչ՛, խոլերայի, չումայի զարգացմանը խթանող, մարդկային (беспредель) ի արդյունքը: Ֆոտոները արված են իմ կողմից՝ որին, պատահաբար ականատես եղա այսօր -ՀԱԹ թաղամասին հարող տարածքում»:
Analitik.am-ի հետ զրույցում ՀՀ ՍԱՏՄ մամուլի պատասխանատու Անուշ Հարությունյանը տեղեկացրեց, որ ՍԱՏՄ տեսուչներն այցելեու են Հարավ-Արևմտյան թաղամասին հարակից խոզաբուծարանները՝ ստուգումների համար: Իսկ թե ինչ հիվանդություն էր խոզերի մոտ, ըստ Հարությունյանի, չի ստուգվել:
Նշենք, որ 2007 թվականից հետո, երբ երկրում արձանագրվեց խոզերի աֆրիկայն ժանտախտ հիվանդությունը, ժամանակ առ ժամանակ խոզերի անկում է գրանցվում: ՍԱՏՄ-ն ամեն անգամ խոզերի անկումը ձևակերպում է տարբեր հիվանդությունների, սննդի, սակայն ոչ երբեք որպես խոզերի աֆրիկյան ժանտախտ հիվանդության հետևանք:
Ինչևէ, ճիշտ կլիներ, որ խոզերի այս անկումը ևս արձանագրվեր և նմուշառում կատարվեր, եթե ոչ հասարակության համար, առնվազն ՍԱՏՄ-ի համար պարզ կլիներ, թե ինչից են անկել խոզերը:
Բացի դրանից, սա առաջին դեպքը չէ, երբ անկած կենդանիներին նետում են ուր պատահի, որն էլ դառնում է վարակի աղբյուր: