Երբ թնդանողները որոտում են, հրացանները լռում են. երբ ես պատասխանում եմ Փաշինյանին, մեկ էլ տեսնում եմ՝ Փաշինյանը SMS է գրում, որ Ալենը գա ինձ պատասխանի: Այս մասին, այսօր՝ փետրվարի 11-ին, լրագրողների հետ հանդիպման ժամանակ նշեց «Լուսավոր Հայաստան» խմբակցության ղեկավար Էդմոն Մարուքյանը:
Նա անդրադարձավ իշխանության ներկայացուցիչների, մասնավորապես ԱԺ փոխնախագահ Ալեն Սիմոնյանի կողմից իրեն ուղղված քննադատությանը, թե ինքը համագործակցել է Սերժ Սարգսյանի եւ Միքայել Մինասյանը հետ՝ նշելով. «Երբ որ Վանաձորի ընտրությունների քարոզարշավն էր, այդ նույն ելույթները այդ նույն մարդիկ ունենում էին: Հետո տեսան՝ առանց մեզ ոչ մի բանի չեն կարող բանի հասնել, եկան, ասացին՝ դա գործընկերների փնտրտուք էր, մենք ձեզ մեղադրում էինք դրա մեջ, որ փնտրենք գործընկեր, հիմա մենք հպարտ ենք «Լուսավոր Հայաստանով»:
Հետո ստեղծվեց «Ելք» դաշինքը: Հետո «Ելք» դաշինքը փլուզվեց, սկսեցինք առանձին մասնակցել Երեւանի ընտրություններին, նորից սկսեցին նույն բաներն ասել:
Դա քաղաքական շանտաժ է, նման բան չկա եւ չի կարող լինել: Ավելին ասեմ, իրենք դրանով հայհոյում են իրենց կենսագրությունը: Ոնց որ դու քեզ քրֆես ամեն օր: Որովհետեւ, եթե դու մի մարդու հետ ճանապարհ ես անցել, ու մինչեւ ճանապարհ անցնելը եւ ժանապարհ անցնելուց հետո մեղադրում ես նույն բանի մ եջ, ուրեմն դու էլ ես դրա մեջ»:
Մարուքյանը հիշեցրեց, որ նույն Ալեն Սիմոնյանի նախկին ընկեր, ԱԱԾ նախկին տնօրեն պարոն Վանեցյանը հայտարարել է, որ Նիկոլ Փաշինյանի ցուցումով հանդիպել է Միքայել Մինասյանին. «Պարզվում է, որ իշխանությունն ինքնին նախկին իշխանության լատենտ սպասարկուն է, բայց դրա մեջ մեղադրում է մյուսներին: Այդտեղ ինձ մոտ հարցեր են առաջացել. Կարո՞ղ է Միքայել Մինասյանին դուք եք տարել օդանավակայան ու ճանապարհել, որ հետո փնտրեք: Կարո՞ղ է Ալեն Սիմոնյանն ասել, թե ինչ է իր նախկին ընկերոջը հանձնարարել իր ղեկավարը, որ ի՞նչ անեն Միքայել Մինասյանի հետ: Կարո՞ղ է Միքայել Մինասյանի բիզնեսներն եք վերցրել, տեղյակ չենք: Բա ասում եք՝ առեւտուր չենք անում, ասում եք՝ ամեն ինչ հրապարակային է»,-ընդգծեց Մարուքյանը:
***
Խորհրդարանի հայտնի նիստից հետո երկրում տեղի է ունենում ատելության բավականին մեծ գեներացիա, որի հետևանքով՝ ես, մեր կուսակցության անդամները, ինձ հարազատ մարդիկ ստանում ենք նամակներ. խոսքը կոնկրետ սպառնալիքի մասին է: Այս մասին հրավիրած մամուլի ասուլիսին հայտարարեց ԱԺ «Լուսավոր Հայաստան» խմբակցության պատգամավոր Էդմոն Մարուքյանը:
«Ես դրա վերաբերյալ գրառում եմ կատարել. որևէ իրավապահ մարմին չի ինձ հետ կապ չի հաստատել՝ հասկանալու համար, թե ի՞նչ սպառնալիքի մասին է խոսքը: Պատկերացրե՛ք, քաղաքական գործիչը հայտարարում է, որ ինքը սպառնալիքներ է ստանում և իրավապահ մարմիններից զրո արձագանք: Այսինքն՝ դա նորմալ է, որովհետև այդ ատելության գեներացիան իշխանությունից է եկել, ինչո՞ւ պետք է իշխանությունն արձագանքի իր գեներացրած ատելությանը, բայց ես հաղորդում եմ ներկայացրել ՀՀ գլխավոր դատախազին»,- ասաց նա:
Մարուքյանն ընդգծեց, որ խնդրել են հրապարակել սպառնալիքի տեքստը. «Հայհոյանքներ կային, չէի ուզում հրապարակել»,- նշեց նա և հրապարակեց մի փոքր հատված. «Զգուշացնում եմ այ գյադա, շուտով գնդակները որոտալու են, նայի չդիպչի…»:
https://www.youtube.com/watch?v=UtKMehCQaU8&feature=emb_logo