Սիրելի՛ հայրենակիցներ, հիմնադրման օրվանից ի վեր «Հաճըն» հայրենակցական միության գործունեության խնդիրներն ու նպատակները եղել են և մնում են ոչ միայն Հայաստանի ու Սփյուռքի հաճընցիների և նրանց սերունդների համախմբումն ու միավորումը, այլ նաև հայապահպանությունն ընդանրապես, ազգային ինքնագիտակցության բարձրցումը, մշակութային և այլ արժեքների իմաստավորումը, համազգային մարտահրավերների հետ առնչվող հիմնախնդիրների ու գործառույթների վերլուծությունն ու գնահատումը: Այսուհանդերձ, միությունը պարբերաբար հանդես է գալիս է նաև տարրաբնույթ նախաձեռնություններով ու նախագծերով ի նպաստ մեր հայրենակիցների ճանաչողական մակարդակի բարձրացման, պետականության կայացման, հայրենի երկրի բարգավաճման:
Այս անգամ «Հաճըն» հայրենակցական միությունը նախաձեռնել է մեր պետության խորհրդանիշերից մեկի՝ ՀՀ դրոշի տեղադրում հանրապետության մայրաքաղաքի և մարզերի պատմամշակութային կամ այլ ազգային կարևոր արժեք ներկայացնող տարբեր վայրերում ու հաստատություններում՝ առանձնահատուկ մոտեցում կցուցաբերվի տեղանքի ընտրության հարցում, դրանով իսկ նպատակ ունենալով բոլորիս հոգում արմատավորել պատկառանքը հայոց ազգային խորհրդանշանների ու արժեքների նկատմամբ և սերը՝ Մայր հայրենիքի հանդեպ:
Թեև իշխանությունների և տարբեր հասարակական կազմակերպությունների կողմից մեզանում նմանատիպ գործընթացներ արդեն իսկ սկսվել են՝ քաղաքներում ավելացել են դրոշները և պետականության խորհրդանիշ հանդիսացող մյուս ատրիբուտները, սակայն, հաշվի առնելով մերօրյա սահմանային պատերազմականի հասնող լարված իրադրությունը, երբ մեր աճող սերնդին ու հատկապես հայրենիքի ապագա պաշտպաններին անհրաժեշտ է կրթել ինչպես ազգային գաղափարախոսությամբ, այնպես էլ հայրենիքի նկատմամբ պարքի ու սիրո զգացումով, հարկ է նոր թափ հաղորդել այդ գործընթացին: Հայոց Եռագույնի առկայությունը յուրաքանչյուր վայրում ոչ միայն գեղեցիկ ու տեսարժան է դարձնում այն, այլև հաղորդում և ստեղծում է համապատասխան հաճելի տրամադրություն ու մթնոլորտ: Հետագայում այս վայրերում կարելի է անցկացնել մշակութային բազմաբնույթ միջոցառումներ, տոնախմբություններ. հավաքներ:
Առաջին վայրը, որտեղ միության անդամները պատրաստվում են ծածանել մեր Եռագույնը, հայերիս համար ամենանվիրական սրբավայրերից մեկն է՝ Խոր վիրապը, որը նաև յուրատեսակ մի խորհրդանիշ է հավատացյալ ողջ հայության համար: Դրան կհաջորդեն նաև հայկական դրշի տեղակայման այլ միջոցառումներ և արարողություններ տարբեր վայրերում:
Սիրելի’ հայրենակիցներ.
Ձեզանից յուրաքանչյուրը կարող է իր անմիջական ներդրումն ունենալ վերոհիշյալ ազգանվեր ծրագրի իրականացմանը, ինչպես միջոցառումներին անմիջական մասնակցությամբ, այնպես էլ նյութական միջոցների տրամադրմամբ ու խրախուսմամբ: Միությունը միայն նվրվածությամբ ու անդամավճարներով գոյացող իր միջոցներով ի վիճակի չէ ապահովել նմանօրինակ ծրագրերի իրականացման անհրաժեշտ պատշաճ մակարդակ: Միջոցառումներին մասնակցել կամ աջակցել ցանկացողները կարող են հղում անել ներքոնշյալ էլ. հասցեին կամ զանգահարել միություն: Միությունը ստեղծել է նաև հաշվեհամար՝ ֆինանսական օգնություն ցուցաբերողների համար: Բոլոր աջակիցների անունները, ըստ ցանկության, կհրապարակվեն համապատասխան մատյաններում և կնշվեն տարբեր ԶԼՄ-ների կողմից պատրաստված նյութերում ու հաղորդումներում:
Կանխահայտ խորին շնորհակալություն ենք հայտնում բոլոր բարի կամեցողներին:
Հարգանքներով՝ «Հաճըն» հայրենակցական միություն
«Տեսակետ» մամուլի ակումբ
Tesaket. info տեղեկատվական կայք
Ղեկավար՝ Հովհաննես Գրիգորյան-Ճարպիկյան
Հեռախոս՝ 077 400-955
Հաշվեհամար՝
AMD – 220092387491000
EUR – 220004571372002
Hajn@yandex.ru