Գյուտարար Գագիկ Ալավերդյանը հանդես է եկել սենսացիոն հայտարարությամբ. նա նշել է, որ գտել է կորոնավիրուսով հիվանդներին բուժելու և հիվանդության տարածումը սկզբնական շրջանում կանխարգելելու միջոցը:
Մեզ հետ զրույցում ինժեներ-գյուտարարն ասաց, որ կորոնավիրուսի առաջացման պատճառներից մեկը երկրագնդի գլոբալ տաքացման երևույթի ակտիվացումն է ամբողջ աշխարհում, որի հետևանքով բարձր լեռների հավերժական սառույցները մեծ արագությամբ հալվում են, հալման ընթացքում ակտիվանում են այնպիսի վիրուսներն ու բակտերիաները, որոնք հազարավոր տարիներ եղել են սառած վիճակում:
«Այժմ հալված սառյուցի ջրի միջոցով տեղաշարժվելով՝ վիրուսները տարածվում են թե՛ մարդկանց, թե՛ կենդանիների շրջանում: Մարդիկ ու կենդանիները, օգտագործելով այդ ջուրը, վարակվում են այդ վիրուսով, որը արագ տարածվում է երկրագնդի վրա՝ խլելով հազարավոր մարդկանց կյանքեր»,-ասաց Ալավերդյանը:
Նա նշեց, որ վարակվաածության բարձր մակարդակ ունեցող երկրներում, հնարավոր է, խմելու ջուրն էլ վարակված լինի, ուստի ինքն առաջարկում է կատարել այդ ջրերի օրական կրկնակի լաբորատոր քննություն:
Գագիկ Ալավերդյանի խոսքով՝ 2010 թվականից ինքն ուսումնասիրում է երկրագնդի գլոբալ տաքացման երևույթը և 2017 թվականին. հայտնագործել է մի մեխանիզմ, ըստ որի կարելի է սկզբում դադարեցնել, իսկ հետո նաև դանդաղեցնել գլոբալ տաքացման երևույթը երկրագնդի վրա:
«Այդ մեխանիզմը շատ ծախսատար է, այն չֆինանսավորվեց, մինչդեռ ես մեծ աջակցության կարիք էի զգում թե՛ տարբեր պետությունների և թե՛ գիտնականների կողմից: Ստիպված 2018 թվականին լրիվ դադարեցրի այդ ուսումնասիրությունները»,-նշեց նա և վստահեցրեց, որ իր ուսումնասիրությունների պահանջը շատ շուտով կրկին կառաջանա, քանի որ երկրագնդի էկոկլիման շեշտակի փոփոխություններ է կրում, ինչին, գյուտարարի խոսքով, այսօր արդեն ականատես ենք լինում:
«Ելնելով գլոբալ տաքացման երևույթի ուսումնասիրություններից՝ հայտնաբերեցի, որ օգտվելով իմ գյուտից, վիրուսը կարող է դառնալ անվտանգ, իսկ մարդու իմունային համակարգը կսկսի ուժեղանալ՝ միայն իմ մեխանիզմի կիրառման դեպքում:
Դա կարելի է որոշել ըստ հիվանդի վիճակի բարելավման արդյունքների. հիվանդը, կիրառելով իմ գյուտը, կդառնա ավելի ակտիվ ու շարժուն, ինչն էլ կհեռացնի վիրուսը նրա օրգանիզմից:
Բուժման ժամանակահատվածում եթե հիվանդն ունի ջերմություն, պետք է իջեցնել ջեմությունը՝ որքան հնարավոր է արագ, ինչի շնորհիվ հիվանդը կդառնա ավելի ակտիվ, որն էլ կնպաստի նրա առավել արագ ապաքինմանը: Ջերմությունը կբարձրանա միայն այն հիվանդների մոտ, որոնց մոտ առկա են ուժեղ բորբոքումներ, որոնք առաջացել են այլ հիվանդությունների թերի բուժման հետևանքով»,-պարզաբանեց գյուտարարը:
Ալավերդյանն ասաց նաև, որ ապահովության համար այս մեխանիզմը պետք է կիրառել նախ կենդանիների շրջանում, իսկ հետո՝ նաև մարդկանց: Ամեն դեպքում՝ ինքը վստահ է, որ արդյունքները դրական կլինեն:
«Գյուտը կիրառելուց հետո մեկ ամսվա ընթացքում կվերանա այս համաճարակը, որը խլեց հազարավոր մարդկանց կյանքեր և տասնյակ հազարավոր մարդկանց դարձրեց հաշմանդամ»,-հավաստիացրեց Գագիկ Ալավերդյանը՝ չնշելով, սակայն, թե իր գյուտը կոնկրետ ինչպե՛ս պիտի կիրառվի կորոնավիրուսով հիվանդների բուժման գործում: