Ուրեմն, Հայաստանի դեղատներում բժշկական դիմակի լուրջ սղություն է, նյետու: Այս մասին Facebook-ի իր էջում գրել է Երեւանի ավագանու ԲՀԿ խմբակցության անդամ Հռիփսիմե Առաքելյանը:
Նա, մասնավորապես, նշել է. «Ու գիտե՞ք, թե ինչու չկա, որովհետև իմ գյուտարար ու սրամիտ ազգի «առնեմ-ծախողները» 30 դրամանոց դիմակի մեջ եքա փայ են մտել ու ողջ քանակությունը ճամփել են Չինաստան:
Ասում են լավ փողեր են օդում բռնել, բայց ո՞ւմ հաշվին էլի: Պետական անվտանգության խնդիր է սա, որից էլի գլուխ չհանեցինք… բա սենց բա՞ն են անում, գոնե չթողեիք, որ էդ ֆուրերով դիմակը երկրից դուրս գար:
Հիմա նստել դիմակ ենք մուրում, դիմակ չկա ոչ մի տեղ, եթե լինի էլ՝ 200-300 դրամից պակաս չեն վաճառում»:
***
ՀՀ տնտեսական մրցակցության պաշտպանության պետական հանձնաժողովը հորդորում է դեղերի շրջանառության ոլորտում գործունեություն իրականացնող տնտեսավարող սուբյեկտներին զերծ մնալ բժշկական դիմակների, հակավիրուսային դեղերի և այլ բժշկական պարագաների գների չհիմնավորված բարձրացումներից, ինչպես նաև շուկայում արհեստական պակասուրդի ստեղծումից: Այս մասին հայտարարություն է տարածել ՀՀ տնտեսական մրցակցության պաշտպանության պետական հանձնաժողովը:
Միաժամանակ, ՀՀ ՏՄՊՊՀ-ն տեղեկացնում է, որ այս ոլորտում իրականացվում են մշտադիտանցումներ: Հնարավոր խախտումների կամ չարաշահումների դեպքում Հանձնաժողովը կհարուցի վարչական վարույթներ և կկիրառի օրենքով սահմանված պատասխանատվության խիստ միջոցներ:
Հիշեցնում ենք նաև, որ ՀՀ ՏՄՊՊՀ-ն այս տարի իրականացնում է ուսումնասիրություն դեղերի շրջանառության ոլորտում: