Tesaket.info լրատվական կայքը, ինչպես նաև Tesaket մամուլի ակումբը և «Հաճըն Հայրենակցական» միությունը շարունակում են մնալ հասարակության կողքին, անդրադառնալ այն բոլոր հարցերին, որոնք կարող էին այս կամ այն կերպ հուզել մեր ընթերցողներին: Միայն Տեսակետի հյուրասրահում դուք կարող էիք կարդալ, որ Բյուջեով 1 մլրդ 800 մլն դրամ է հատկացվել հաջորդ տարի Նոյեմբերյանի ճանապարհի հիմնանորոգման համար:
Լուսաբանելով նաև ներքին և արտաքին քաղաքական կարևոր ու գուցե առաջին հայացքից անկարևոր, բայց մեր ժողովրդին, այնուամենայնիվ, հուզող հարցեր, շատ ենք խոսել Քուրդիստանի մասին, ունեցել ասուլիսներ այդ թեմայով: Օրինակ արաբագետ Սարգիս Գրիգորյանը բարձրացրել էր այն բոլոր խնդիրները, որ ունի Քուրդիստանը՝ որպես անկախ պետություն դառնալու ուղին բռնելով:
Tesaket.info-ն նաև փորձել է օբյեկտիվորեն ներկայացնել, թե ինչն է լավ մեր ժողովրդի համար՝ սննդի անվտանգության իմաստով: Օրինակ՝ Հայրենական արտադրանքից լավը չկա. Էքսքլյուզիվ հարցազրույց Թռչնաբույծների միության նախագահ Սերգեյ Ստեփանյանի հետ հոդվածում շատ կարևոր տեղ է տրվում մերին՝ տեղականին:
Միայն մեզ մոտ դուք կարող էիք կարդալ նաև այն բոլոր խնդիրների մասին, որ կարող են առաջանալ Գարդասիլ պատվաստանյութով պատվաստման պարագայում:
Անդրադառնալով մշակութային արժեքների պահպանմանը, Tesaket լրատվականը բարձրաձայնել է նաև, որ ազգանվեր, հայապահպան գործով զբաղվող մեր ստեղծագործողները այսօր անտեսված են իշխանությունների կողմից:
Բոլորիս է անհանգստացնում, թե երբ վերջապես կշահագործվի Երևանի պետական կրկեսի շենքը: Tesaket լրատվականը անդրրադարձել է նաև այս հարցին, կազմակերպելով արտագնա ասուլիս կրկեսի գեղարվեստական ղեկավար Սոս Պետրոսյանի հետ:
Շատ է խոսվել մեզ մոտ նաև թանկացումների օրեցօր ահագնացող խնդրի մասին:
Tesaket լրատվականը ևս բարկացել էր ոմն պատգամավորի՝ ժողովրդին ծաղրելու փորձերից:
Tesaket լրատվականը, լինելով հյուրասեր ազգի հյուրասեր լրատվական, իր ակումբում էր հյուրընկալել նաև հնդիկ ազգությամբ, բայց հայ հոգով Շաֆի Ալ Կապրիոյին:
Tesaket-ը ուշի ուշով հետևում էր նաև Անալիտիկ լրատվական կայքի գլխավոր խմբագրի ճակատագրին:
Եվ միայն Tesaket-ում դուք կարող էիք ծանոթանալ այս հրաշամանուկին, որին մեր բոլորի օգնությունն է պետք:
Տեղեկացնենք նաև, որ Tesaket լրատվականը և Հաճըն Հայրենակցական միությունը սկսել էին ակցիա՝ «Օգնիր մերձավորիդ», որի շրջանակներում մինչև ամանոր ցանկանում ենք օգնել այս մարդուն՝ Արթուր անունով:
Նոր՝ 2018 թվականին էլ մենք կշարունակենք լինել ձեր կողքին, սիրելի՛ ընթերցողներ, և շուտ արձագանքել ձեր յուրաքանչյուր խնդրի:
Tesaket լրատվականը շնորհավորում է բոլորի Ամանորն ու Սուրբ Ծնունդը, մաղթում, որ գալիք տարում լավը, դրականը կրկնակի, եռակի անգամ ավելի շատ լինի յուրաքանչյուրիս կյանքում, ընտանիքում, քան բացասականը:
Տեսակետ լրատվական կայքի խմբագրություն