Այն բանից հետո, երբ երկրի իշխանությունները հայտարարել են խուճապի չմատնվելու մասին, Ռումինիայի բնակիչները խուճապահար հերթեր են ստեղծել հանրախանութներում։ Նրանք գնում են ապրանքներ՝ նոր կորոնավիրուսի համաճարակին պատրաստ լինելու համար։ Այս մասին հայտնում են տեղական լրատվամիջոցները։
Պատճառը երկրի առողջապահության նախարարի հայտարարությունն է, ըստ որի՝ խոշոր հանրախանութների սեփականատերերը վստահեցրել են, որ մթերքը բավարար է։ Այս հայտարարությունը հակառակ արդյունք է ունեցել․ բնակիչները, ամեն դեպքում, որոշել են գնել մեծ քանակի պարեն՝ վարակի տարածման դեպքում մթերք ունենալու համար։
Հանրախանութների սեփականատերերը նոր հայտարարություն են արել, որ առևտուրը ընթանում է տոնական օրերի պես, և իրենք մտադիր են լրացնել իրենց պաշարները՝ գնորդների պահանջը բավարարելու համար։
