Այսօր, հունվարի 28-ին, «Տեսակետ» մամուլի ակումբում «Արծիվ մահապարտների միություն» ՀԿ նախագահ, գեներալ-մայոր Աստվածատուր Պետրոսյանը, Կին ազատամարտիկների միության նախագահ, գնդապետ Աիդա Սերոբյանը «Հաճըն հայրենակցական միության» ատենապետ, «Տեսակետ» մամուլի ակումբի ղեկավար, և «Տեսակետ.ինֆո» լրատվականի խմբագիր Հովհաննես Գրիգորյանին պարգևատրեցին Վազգեն Սարգսյան շքանշանով՝ միշտ հայոց բանակի կողքին լինելու, Արցախյան պատերազմում մանրակրկիտ կերպով բանակաշինության գործընթացը լուսաբանելու և լրատվական դաշտում մեր երկրի սահմանների ամրությունը պահպանելու համար:
Հովհաննես Գրիգորյանի խոսքով, այս պարգևատրումը հատկապես կարևոր էր այսօր, Հայոց բանակի տոնի կապակցությամբ:
«Եվս մեկ անգամ շնորհավորում եմ մեզ բոլորիս Հայոց բանակի կազմավորման 26 ամյակի կապակցությամբ, բանակ, որը կազմավորվեց և գոյատևեց ձեզ պես քաջ, հայրենասեր մարդկանց շնորհիվ, մեր մահապարտների, ովքեր ամեն գնով պատրաստ էին և այսօր էլ պատրաստ են ցույց տալ ոսոխին իր տեղը»:
Պարգևատրումից հետո ակումբում հյուրընկալված մահապարտները, ֆիդայիները, ակումբի ղեկավարի հետ կատարեցին «Հրով լինի, սրով լինի, պիտի գնանք, վաղ թե ուշ» հայրենաասիրական երգը:
Լուսանկարները՝ ստորև:
