Թուրքիայի զինված ուժերը սիրիական Իդլիբ նահանգի արևելքում ոչնչացրել են կառավարական զորքերի շարասյունը։ Այս մասին հայտնում է Daily Sabah-ը։ Աղբյուրի փոխանցմամբ՝ հրետակոծման են ենթարկվել М-5 (հյուսիս-հարավ) միջպետական մայրուղով տեղաշարժվող սիրիացի զինվորականները։
Ավելի վաղ Սիրիայի հետ սահմանակից Հաթայ նահանգի նահանգապետ Ռահմի Դողանը հայտնել էր, որ թուրք զինծառայողներն Իդլիբում ավիահարվածի են ենթարկվել, կա առնվազն 33 զոհ։
Իդլիբում իրադրության սրման պատճառով Թուրքիայի նախագահ Ռեջեփ Թայիփ Էրդողանն Անվտանգության խորհրդի նիստ է անցկացրել, որի արդյունքներով «Արդարություն և զարգացում» կուսակցության մամուլի քարտուղար Օմեր Չելիքը հայտարարել է, որ այդ միջադեպից հետո Անկարան որոշել է սիրիական զերքերը համարել թշնամական թիրախներ և որ թուրք զինվորների մահվան համար պատասխանատուները կվճարեն ամենաբարձր գինը։
***
Սիրիայի Իդլիբ քաղաքում իր զինվորների սպանությունից հետո Թուրքիան հրավիրել է ՆԱՏՕ-ի արտակարգ նիստ, որը կլինի հենց այսօր։ Քննարկման է դրվելու օդային հարձակումը, որի ժամանակ Թուրքիայի տասնյակ զինծառայողներ են սպանվել։ Այս մասին հայտնում է թուրքական պետական «Անադոլու» գործակալությունը։
Թեև թուրքական կողմը դա չի արծարծում, բայց օդային հարձակումն իրականացրել են Ռուսաստանի ռազմաօդային ուժերը, որոնք տեղակայված են Սիրիայում և օգնում են Սիրիայի նախագահ Բաշար Ասադի բանակին։ Իդլիբի մատույցներում այդ հարձակումից, ըստ թուրքական կողմի, սպանվել է Թուրքիայի բանակի 33 զինծառայող։
Տարիներ շարունակված համատեղ և համագործակցված աշխատանքից հետո Թուրքիան և Ռուսաստանը հիմա հակամարտում են Սիրիայի տարածքում։ Ռուսական կողմը Սիրիայի նախագահ Բաշար Ասադին օգնում է զինյալներից ազատել Իդլիբի տարածքը, իսկ Թուրքիան փորձում է իր ազդեցության տակ գտնվող զինյալների միջոցով պահպանել Իդլիբի նկատմամբ վերահսկողությունը։
Հակադիր ճամբարների բախումից թուրքական կողմն արդեն սեփական զինծառայողներ է կորցրել մարտերում։ Ռուսական կողմում կորուստների մասին տեղեկություններ չկան․ ռուսական կողմը սիրիական բանակին օգնում է օդուժի միջոցով։
Babak Taghvaee (Backup)@BabakTaghvaee1
Ceren@cerenguvercinYazık günah ya allah askerlerimize yardım etsin
#reyhanlı #sehitlerimizvar
