Երկրների հելիոֆիկացման ծրագրի հեղինակ, տեխնիկական գիտությունների դոկտոր Վահան Համազասպյանը համոզված է, որ Հայաստանի տնտեսությունը կարող է ոտքի կանգնել արևային տեխնիկայի արտադրությամբ:
Նրա խոսքով՝ այսօր մենք ներկրում ենք չինական տեխնիկա, մինչդեռ նույնը կարող ենք ստեղծել մեր երկրում՝ զարրգացնելով սեփական տնտեսությունը:
«Այսօր Հայաստան համահայկական հիմնադրամը մոտ 10 մլն դրամ է հավաքել, դա պիտի ներդրվի արևային տեխնիկայի զարգացման հարցում, հելիոֆիկացիայի վրա պիտի ծախսվի, արևային տեխնիկայի հայկական տարբերակին տրամադրենք գումարը, ոչ թե Չինաստանից ներկրենք»,-նշեց նա՝ ընդգծելով, որ այդպիսով Հայաստանը կդառնա առաջին երկիրը, որը սկսեց հելիոֆիկացման ծրագիրը: Համազասպյանի խոսքով՝ դրա շնորհիվ մենք կազատվենք նաև էկոլոգիական աղետից, որ սպառնում է ամբողջ աշխարհին:
Վահան Համազասպյանը նշեց, որ հելիոֆիկացման ծրագիրը նախանշված է իրականացնել Տավուշում, Լոռիում, Շիրակում ու Արցախում, սակայն գործնական քայլեր արվել են դեռ միայն Շիրակում, որտեղի ավագանու անդամները հավանություն են տվել ծրագրին, և Արցախում, որտեղ ևս հետաքրքրություն է առաջացրել գիտնականի ծրագիրը:
Մանրամասները՝ տեսանյութում.