«Տուգանքներից են խոսում, բայց նման բան չկա։ Եթե 10 դոլարից ավել տուգանք ունենայինք, մեզ մեքենա չէին տա, քանի որ մինչև վերջին դոլարը պետք է վճարենք»,-այս մասին լրագրողների հետ զրույցում ասաց ավտներկրողներից մեկը։
Նրա խոսքով, իրենց ասել են՝ չմուծեք, մեքենա չեք ստանա, իրենք էլ ստիպված վճարել են։
«Պահանջում ենք, որ մեր գումարները վերադարձնեն, քանի որ դրանք օրինական գումարներ են, ոչ մի անօրինական բան չենք ուզում։ Մեր ուզածը մեկն է՝ որ այն վնասը, որը կրել ենք, վերադարձնեն։ Խոսքը վերաբերվում է տուգանքներին և փոխհատուցումներին»,-ասաց նա։
Ավտովարորդների պաշտպանության լիգայի փոխնախագահ Գևորգ Հովհաննիսյանն էլ հավելեց, որ եթե իրենց պահանջին արձագանք չլինի, որ ներկաների թվից տասնապատիկ շատ մարդ առնվազն կկանգնի և կպահանջի իրենց խնդրի լուծումը։
«Եթե կարճ ժամանակում ողջամտության սահմաններում համապատասխան միջոցներ չձեռնարկվեն, հարցը կտեղափոխենք իրավական հարթություն և գործը մտնելու է դատարան»,-ասաց նա։