Երգչուհի, նախկին պատգամավոր Շուշան Պետրոսյանը «168 թիվի»-ի եթերում անդրադարձել է Ռոբերտ Քոչարյանի և Սերժ Սարգսյանի դատավարություններին:
«Ես ամաչում եմ, ամաչում եմ այդ մարդկանց առաջ, ամաչում եմ քննարկել նաև թեմաներ, որոնք հարիր չեն նրանց արածի, այս երկրին մատուցած ծառայությունների հետ։ Կրկնում եմ՝ ամաչում եմ»,- ասել է Պետրոսյանը։
Երգչուհին 2018 թվականին տեղի ունեցած իրադարձությունները եթերի ընթացքում կապել է Արցախի հետ՝ դրանով պայմանավորելով դատարանի բակում հենց Արցախի վերաբերյալ 3-րդ նախագահի արած հայտարարությունները. «Սերժ Սարգսյանը խոսեց Արցախի մասին, որովհետև այս ամենն Արցախի շուրջ է կատարվում, այն, ինչ եղավ, դրա թեման Արցախն է՝ մեր գոյություն ունենալու հիմնաքարը»,- ասել է նա։
Մանրամասները՝ տեսանյութում: