Վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան, նա պարզապես վատառողջ է եղել, անցել է որոշակի հետազոտություններ և այժմ իրեն լավ է զգում:
Այս մասին ֆեյսբուքում գրել է առողջապահության նախարարի մամուլի խոսնակ Ալինա Նիկողոսյանը:
Ավելի վաղ վրացական «Թայմեր» գործակալությունը հաղորդել էր, որ ՀՀ վարչապետ Նիկոլ Փաշինյանի անվտանգության ծառայության աշխատակիցներից մեկի մոտ բարձր ջերմություն և կորոնավիրուսին բնորոշ ախտանշաններ է նկատվել, եւ նրան անհապաղ Երևան են ուղարկել՝ ինֆեկցիոն հիվանդանոց:
Նշվում է, որ այս տեղեկությունից հետո ստիպված թեստավորում կանցնեն Վրաստանի վարչապետն ու նրա թիկնազորի անդամները: