Ռամզան Կադիրովը ստիպել է Եմելյանենկոյին ներողություն խնդրել Կանդելակիին վիրավորելու համար: Ավելի վաղ տեղեկացրել էինք, որ Եմելյանենկոն վիրավորական խոսքեր էր հնչեցրել հաղորդավարուհի Թինա Կանդելակիի հասցեին։ Կանդելակին նախ ասել էր, որ Եմելյանենկոն «պետք չէ» Չեչնիայի Հանրապետության ղեկավար Ռամզան Քադիրովին, իսկ ահա իրեն` Եմելյանենկոյին, հարկավոր է Քադիրովի աջակցությունը:
«Երբեք չէի մտածի, որ Կանդելակին այդպիսի հիմար է: Նրա մասին ավելի լավ կարծիքի էի»,- գրել էր Եմելյանենկոն Instagram-ի իր էջում:
Կանդելակին էլ պատասխանել էր, որ Եմելյանենկոն դաստիարակության կարիք ունի, և հավատում է, որ «Ախմատ» ակումբում, որտեղ նա այժմ մարզվում է, այդ հարցը շատ արագ կլուծեն: Այնուհետ կոնֆլիկտին միջամտել էր Քադիրովը: Այդ մասին էլ նոր տեսանյութ է իր էջում տեղադրել Կանդելակին: Այդ տեսանյութում Եմելյանենկոն Քադիրովի հետ է և ներողություն է խնդրում Կանդելակիից: Հաղորդավարուհին հիշեցրել էր իր խոսքերը, որ «Ախմատը» հզոր ուժ է, նաև ավելացրել է, որ Ալեքսանդրից այլևս նեղացած չէ, և այս պատասխանից հաճելիորեն զարմացած է: Քադիրովն ու Եմելյանենկոն խոստացել են ծաղիկներ նվիրել Կանդելակիին Մարտի 8-ի առիթով, Կանդելակին էլ նրանց հյուր է հրավիրել:
Тина Канделаки✔@tina_kandelaki
Я же говорю, «Ахмат» — сила.
Приятно удивлена и, разумеется, никакого зла на Сашу не держу. Удачи в бою — и всегда жду в гости.