ՄՀԵՐԻ ԴՈՒՌԸ

Գնում են վայրկյանները,

Հաշվարկը սկսված է։

Նավի մեջ ենք Նոյի,

Նախախնամությունն է այսպես։

Եվ հայտնվել ենք բոլորս տապանում՝

Ճակատագրին առերես:

Դեմ -դիմաց ենք ըմբռնման,

Գիտակցման ու փոխզիջման։

Բանականություն եթե կա՝

Կունենանք մեզ տեսլական։

Տրված է պահն այսօր

Հաղթանակի խորհրդով,

Եթե իմաստուն լինենք՝

Մեր առջև է դեպի ծով,

Եթե երազ չէ, այլ իրական

Եւ նվաճել ենք հաղթանակ,

Ապա գնանք ընդառաջ,

Չկորցնենք մեր ապագան:

Մեր ձեռքում է այժմ

Վճիռը մեր լինելիության,

Ու կհասնենք ճամփեզրին,

Եթե լինենք միաբան:

Միտքն է տարել հաղթանակ,

Սիրտն է այդպես կամեցել,

Ազատությունը հայի՝ երբեք ճնշված չի եղել:

Հայու ճիչն է հոգևոր,

Լույսն է պոռտքել ցավերից,

Նոր Հայաստան է այսօր,

Ու հպարտ է այս պահից:

Ժամանակի դեմ –դիմաց

Կանգնած ենք մենք առերես,

Դառնանք բռունցք անսասան,

Էլ ո՞վ կարող է դիմադրել մեզ,

Ժամանակի դեմ- դիմաց

Կանգնած ենք մենք, ոչ թե ես,

Կարծես մի պահ զարմացած

Չենք ճանաչում մենք մեզ:

Գնում են վայրկյանները, պարոնայք,

Հաշվարկը սկսված է,

Այս անգամ գոնե հասկացեք,

Մհերի դուռը բաց է:

Հովհաննես Հաճընցի

2018 ապրիլ