Լայն թևեր
Թևերս ձեզ, իմ բալիկներ
Մհեր, Մարիամ Աստված ձեզ տեր
Ես ձեզ համար ընծա թևեր,
Որ դուք ապրեք հային վայել։
Արարչագործ մեր սուրբ հողին
Հպարտ եղած թախանձագին
Մեր երազը չիրագործված
Դուք եք տանելու այգաբաց։
Մարիամ, Մհեր իմ ժառանգներ
Ձեզ լայն թևեր ու թռիչքներ
Ազնիվ, հպարտ վայել հային
Դուք տեր կանգնեք պատգամներին
Ազնիվ, հպարտ վայել հային
Դուք տերը եղեք երազների։
Մեր հայրենին ձեր ձեռքերում
Մեր մայրենին ձեր շուրթերում,
Մի խեղճացեք, խորթ բարքերին
Տերը եղեք մեր իղձերի։
Մարտիկն եք դուք, մեր նոր ուղու
Ու մեր մշակն եք դառնալու։
Իմ հրեշտակներ ձեզ լայն թևեր,
Որ սավառնեք դուք դեպի վեր
Ձեր սուրբ հողում պապենական
Հայոց աշխարհը դարձրեք մոգական։
Բիբլիական Հայաստանում,
Եռագույն է ձեզ ավետում։
Հովհաննես Հաճընցի
2018 մայիս