Տավուշի մարզում վերջին շրջանում նկատվող հակառակորդի ակտիվացումը, իսկ այսօր առավոտյան արդեն դիվերսիոն խմբի ներթափանցման փորձը, գալիս է ևս մեկ անգամ փաստելու, որ հակառակորդը հակամարտության հարցը լուծելու համար փորձում է որոշակի հաջողություն գրանցել առաջնագծում:
Ադրբեջանական կողմը կարծում է, որ վերջին շրջանում Էրդողանի հայտարարությունը, կամ Մինսկի խմբի հետ հանդիպումը դիվանագիտական հաջողություն է, և կարելի է այդ հաջողությունը լրացնել առաջնագծում որոշակի հաջողության հասնելուց հետ:
Մի բան էլ, հակառակորդը վերջին շրջանում թիրախավորել է հատկապես Տավուշի մարզը՝ փորձելով հասկանալ, թե ինչ վիճակում այդտեղի պաշտպանական համակարգը: Կարծես թե վերադարձ է «դիվերսիոն պատերազմի», որն ունեինք մինչև ապրիլյան պատերազմը: