Իշխանությանը չգիտես ինչու զարմացնում է, որ ատելության քարոզչությունը հենց նման հետեւանքներ է ունեցել: Այս մասին լրագրողներին հայտնեց մեդիափորձագետ Տիգրան Քոչարյանը:
«Ընդ որում, իշխանությանը զարմացնում է, որ աղջիկը մետրոյում պատռեց բուկլետը, այն դեպքում, երբ 2018 թվականի ապրիլին իրենք էին դագաղներ տանում կենդանի մարդկանց տներ: Սակայն ամեն ինչ պարզ է բացատրվում՝ ինչ ցանես, այն էլ կհնձես: Փաշինյանն իրեն ավելի ճիշտ պահեց, քանի իր աջակիցները: Ցանկացած դեպքում դա չի ապահովագրում նրանից, որ հետագայում եւս իրենց տների մոտ կարող են դագաղներ ու ծաղկեպսակներ տանել, եթե ատելության «ռուբիլնիկը» չանջատվի»,- նշեց նա:
Քոչարյանը հավելեց, որ եթե աղջիկը բուկլետը պատռեր 1-1,5 տարի առաջ, ապա նրան «ողջ-ողջ կուտեին», իսկ տվյալ դեպքում ոչ ոք չմիջամտեց, որոշները նույնիսկ ժպիտով ընդունեցին: