Թուրքիայի նախագահ Ռեջեփ Թայիփ Էրդողանի թիկնազորը նախագահին կորոնավիրուսի հնարավոր վարակից պաշտպանելու համար դիմել է անվտանգության խիստ միջոցների:
Դա տեղի ունեցավ այն բանից հետո, երբ Թուրքիայի առողջապահության նախարար Ֆահրեթթին Քոջան մարտի 10-ի երեկոյան հայտարարել է երկրում կորոնավիրուսով վարակված առաջին դեպքի մասին:
Թուրքական լրատվամիջոցների ուշադրության կենտրոնում են հայտնվել Էրդողանի անվտանգության աշխատակիցների ձեռքում գտնվող դիստանցիոն ջերմաչափերը: Նրանք այդ սարքերի միջոցով ստուգում են Էրդողանին մոտեցող քաղաքացիների ջերմությունը և բարձր ջերմաստիճանի դեպքում տվյալ անձին հեռացնում են տարածքից:
