Առողջապահության համաշխարհային կազմակերպությունն աշխարհում նոր կորոնավիրուսի պանդեմիա է հայտարարել։ Ինչպես փոխանցում է RIA Novosti-ն, այդ մասին հայտնել է գլխավոր տնօրեն Թեդրոս Ադհանոմ Գեբրեյեսուսը։
«Առաջիկա օրերին և շաբաթներին ակնկալվում է, որ կորոնավիրուսով համակված երկրների, վարակվածների և մահացության դեպքերի թիվը կավելանա: Այն գնահատականին ենք եկել, որ COVID19 կորոնավիրուսը կարող է բնութագրվել որպես համավարակ»,- ասել է Գեբրեյեսուսը:
Մարտի 11-ի դրությամբ՝ նոր կորոնավիրուսով աշխարհի 114 երկրներում վարակվել է 118 000 մարդ։
Պանդեմիա համարվում են այն համաճարակները, որոնց բնորոշ է վարակիչ հիվանդությունների խիստ տարածումը ողջ երկրում, սահմանակից պետությունների տարածքում, երբեմն՝ աշխարհի բազմաթիվ երկրներում։
Հայտնի են ժանտախտի, խոլերայի, բծավոր և ետադարձ տիֆերի բազմաթիվ պանդերմիաներ։ Ընդունված է պանդերմիա համարել նաև ոչ բարձր ինտենսիվության այն համաճարակները, որոնք տվյալ ժամանակահատվածում հանդիպում են բազմաթիվ երկրներում (օրինակ՝ խոլերայի յոթերորդ պանդեմիա)։
Պանդեմիկ տարածման հակում ունեցող ամենաբնորոշ հիվանդություններից է գրիպը, որը 20-րդ դարի միջին տասնամյակների ընթացքում տվել է մի քանի խոշոր պանդեմիաներ։