Քաղաքագետ Ալեքսանդր Մարգարովը կարծում է, որ Ղարաբաղի այսպես կոչված «ադրբեջանական համայնքի» ու ԵԱՀԿ-ի ներկայացուցիչների հանդիպումը պատասխան քայլ է հայկական կողմի՝ Արցախը բանակցային գործընթացում ներգրավելու վերաբերյալ հայտարարություններին:
Այս մասին նա ասաց այսօր «Տեսակետ» մամուլի ակումբում ասուլիսի ժամանակ: Բանախոսը նշեց նաև, որ, ի տարբերություն Ղարաբաղի այսպես կոչված «ադրբեջանական համայնքի»՝ Արցախի իշխանությունը լեգիտիմ է, և նրանց հետ ԵԱՀԿ ներկայացուցիչները նույնպես պարբերաբար հանդիպումներ են ունենում:
Մարգարովի խոսքով՝ արցախյան հիմնախնդրի կարգավորման գործընթացում էական տարբերություն չկա, և բանակցությունների շարունակականությունը սկզբունքային խնդիր է ԼՂ կարգավորման համար:
Ինչ վերաբերում է ռազմական գործողությունների վերսկսման հավանականությանը՝ քաղաքագետը նշեց. «Կոնֆլիկտի ինտենսիֆիկացման հնարավորությունը չի կարելի բացառել»:
Մանրամասները՝ տեսանյութում