COVID-19 կորոնավիրուսով վարակված անձինք առավել վարակիչ են հիվանդության վաղ փուլերում: Այս մասին են վկայում medRxiv-ում հրապարակված նոր հետազոտության տվյալները:
Հետազոտության ընթացքում մասնագետները ցանկացել են պարզել, թե ինչ քանակությամբ են կորոնավիրուս արտադրել մեկուսացված 7 հիվանդները հիվանդության տարբեր փուլերում: Ինչպես պարզվել է, հիվանդության մեղմ ընթացքով հիվանդների մոտ արտադրված ՌՆԹ վիրուսի առավելագույն կոնցենտրացիան հայտնաբերվել է կոկորդում մինչեւ հիվանդության 5-րդ օրը, դրանք մոտ 1000 անգամ ավելին էին, քան ՍՇՀ-ով հիվանդների մոտ:
COVID-19-ի թեթեւ ընթացքի 5-րդ օրից հետո հիվանդությունը դառնում է պակաս վարակիչ, իսկ մինչեւ 10-րդ օրը այդպիսի հիվանդների մոտ վարակակիրությունն արդեն շատ ցածր է: Սակայն, այնուամենայնիվ, այդպիսի հիվանդները դեռ պետք է մեկուսացված մնան:
Հետազոտությանը մասնակցած COVID-19-ով 2 հիվանդի մոտ թոքաբորբ է զարգացել: Նման բարդությունների դեպքում մարդկանց կողմից վիրուսների առավելագույն արտադրությունը գրանցվել է հիվանդության մոտ 10-րդ օրը:
Հարկ է նշել, որ այս հետազոտության արդյունքում գիտնականներին հաջողվել է վիրուս արտադրել միայն հիվանդների թացությունից: Ընդ որում, վարակվածների մեզի, արյան նմուշները հատուկ միջավայրերում վիրուսի աճ չեն տվել: