Նոր կորոնավիրուսը կանանց և տամարդկանց շրջանում տարածվում է հավասար չափով, սակայն դրանից առաջացող բարդությունները տարբեր են՝ կախված սեռից, տարիքից, նախկինում տարած հիվանդություններից։ Այս մասին հայտնում է գերմանական DW ալիքը։
Չինաստանում պարզել են, որ մինչև 40-տարեկանների մոտ վարակից մահվան դեպքերը շատ փոքր թիվ են կազմում։ Իսկ 65 տարեկանից հետո մահվան դեպքերը մեծ թափով աճում են տարիքի համեմատությամբ։ Այսպես, 80 տարեկանից բարձր տարիք ունեցողների մոտ մահվան դեպքերը 14,8 տոկոս են։ Այս մասին եզրակացությունների մասնագետները եկել են 72 հազար 314 վարակակիրների տվյալների ուսումնասիրությունից։
Նոր կորոնավիրուսից մահվան դեպքերը, ըստ այդ հետազոտության, ավելի հաճախ պատահում են այլ հիվանդություններ ունեցողների մոտ։ Մասնավորապես, վտանգավոր խմբում սրտանոթային հիվանդություններ, դիաբետ և այլ հիվանդություններ ունեցողներ են:
