«Թափառող կենդանիների վնասազերծման կենտրոն» ՀՈԱԿ-ը հայտարարություն է տարածել,հանրությանը տեղեկացնելով, որ այսուհետ թափառող կենդանիները կանցնեն լեշմանիոզ հիվանդության թոստավորում:
« Հարգելի՛ համաքաղաքացիներ.
Տեղեկացնում ենք, որ ելնելով անցած տարվա մեր աշխատանքային փորձից, որ որոշ կենդանիների մոտ կարող է լեյշմանիոզ հիվանդության բացահայտ տեսանելի ախտանշաններ չլինեն, դիմել Առողջապահության նախարարությանը և ստացել ենք լեշմանիոզ հիվանդության ախտորոշման թեստեր։
Այսուհետ՝ մինչև 2 տարին չլրացած, մեր հսկողության տակ գտնվող շները վիրահատությունից առաջ կանցնեն լեշմանիոզի թեստավորումը, քանի որ տվյալ հիվանդությունը վտանգ է ներկայացնում մարդկանց, հատկապես՝ երեխաների կյանքի համար։
Մեզ մոտ բերված ախտորոշված շների քանակից ելնելով՝ մենք որդեգրել ենք թեստավորման ծրագիր: Կարող եք վստահ լինել, որ այսուհետ կլիպսավորվող յուրաքանչյուր շուն անցնելու է լեյշմանիոզ հիվանդության թեստավորումը։
Սրանով մենք աշխատում ենք ապահովել ձեր, ձեր երեխաների և թափառող առողջ կենդանիների անվտանգությունը»,-նշված է հայտարարության մեջ։